লখিমপুৰত নাও দুৰ্ঘটনা, নৱনিৰ্বাচিত পঞ্চায়ত সভাপতিসহ কথমপি প্ৰাণ ৰক্ষা ৯ জনৰ 

লখিমপুৰ জিলাৰ পানীগাঁও আৰক্ষী থানাৰ অন্তৰ্গত পূব তেলাহী গাঁও পঞ্চায়তৰ ঢলা বালিজান ঘাটত আজি সন্ধিয়া প্ৰায় ছয় বজাত ভয়ংকৰ নাওঁ দুৰ্ঘটনা সংঘটিত হয় । ঘটনা সন্দৰ্ভত জানিব পৰামতে পূব তেলাহী গাঁও পঞ্চায়তৰ নৱ নিৰ্বাচিত সভাপতি তথা গুলি গাঁও নিবাসী ৰবিন দলেসহ (৪০) এটা ৯ জনীয়া দলে ঢলা গাঁৱৰ পৰা বালিজান, এছেৰাকটা আদিকে ধৰি বিভিন্ন গাঁৱলৈ গৈ ভোটাৰ ৰাইজক মাত লগাবলৈ যাওঁতে ঢলা বালিজান গাওঁ সংযোগী ঘাটত পাৰ হ'বলৈ লওতে এই নাওঁ দুৰ্ঘটনাটো সংঘটিত হয় । অৱশ্যে স্থানীয় ৰাইজৰ তৎপৰতাত কথমপি এই ভয়ানক ঘটনাটোৰ পৰা ৰক্ষা পৰে ।