চিদলী-কাশিকোত্ৰা উচ্চতৰ মাধ্যমিক বিদ্যালয়ৰ আছু গোট গঠন

চিৰাং জিলাৰ চিদলী আঞ্চলিক ছাত্ৰ সন্থাৰ অন্তৰ্গত চিদলী-কাশিকোত্ৰা উচ্চতৰ মাধ্যমিক বিদ্যালয়ত আছু গোট গঠনৰ উদ্দেশ্যে আজি এখন সাধাৰণ সভা অনুষ্ঠিত হয় ৷

চিদলী আঞ্চলিক ছাত্ৰ সন্থাৰ সভাপতি সমুজ্জ্বল ফৌজদাৰৰ সভাপতিত্বত অনুষ্ঠিত সভাত সদৌ অসম ছাত্ৰ সন্থাৰ ৰাজ্যিক কাৰ্যনিৰ্বাহক সদস্য তথা বঙাইগাঁও জিলা ছাত্ৰ সন্থাৰ সভাপতি পাৰ্থজিৎ ৰায়, বিজনী আঞ্চলিক ছাত্ৰ সন্থাৰ সভাপতি সৌৰভ সূত্ৰধৰ, বীৰঝৰা মহাবিদ্যালয় আছু গোটৰ সাধাৰণ সম্পাদক ভাৰ্গৱ দাস, সহকাৰী সম্পাদক অভিজ্ঞান শৰ্মা, চিদলী আঞ্চলিক ছাত্ৰ সন্থাৰ উপ-সভাপতি বেণু সিংহ, সাধাৰণ সম্পাদক সঞ্জিত বিশ্বাস,

শিক্ষা সম্পাদক হিৰণ্য চৌধুৰী, বিত্ত সম্পাদক হৃষিকেশ বৰ্মন, সহকাৰী সম্পাদক সৌৰভ পাঠক, সাংগঠনিক সম্পাদক বকুল সূত্ৰধৰ আদি বিষয়ববীয়াসকল উপস্থিত থাকে ৷

সভাত অমৰ নাথ ৰায়ক সভাপতি, নিবাৰণ সূত্ৰধৰক সাধাৰণ সম্পাদক আৰু ৰাফেল মুৰ্মূক শিক্ষা সম্পাদক হিচাপে লৈ ৪১জনীয়া সদস্যৰে চিদলী-কাশিকোত্ৰা উচ্চতৰ মাধ্যমিক বিদ্যালয় আছু গোট গঠন কৰা হয় ৷