বিশ্ব এইডছ দিৱস উপলক্ষে চিত্ৰাংকন আৰু শ্লোগান লিখা প্ৰতিযোগিতাৰ ফলাফল ঘোষণা

নগাঁৱৰ পৰা ঋতুপৰ্ণ শৰ্মা

আগন্তুক বিশ্ব এইডছ দিৱস উপলক্ষে পিৰামল স্বাস্থ্য (আহানা-২)ৰ উদ্যোগত যোৱা ২৫ নবেম্বৰত নগাঁও চহৰৰ বৰ্ণালী আৰ্ট স্কুলত অনুষ্ঠিত হৈ যোৱা চিত্ৰাংকন আৰু শ্লোগান লিখা প্ৰতিযোগিতাৰ ফলাফলসমূহ ঘোষণা কৰিছে । নৱম শ্ৰেণীৰ পৰা দশম শ্ৰেণীৰ ছাত্ৰ-ছাত্ৰীৰ মাজত অনুষ্ঠিত এই চিত্ৰাংকন প্ৰতিযোগিতা প্ৰথম স্থান লাভ কৰে সুভম দাস, দ্বিতীয় স্থান লাভ কৰে দীপ দেৱনাথ আৰু তৃতীয় স্থান লাভ কৰে চিন্ময় বৰাই ।

শ্লোগান লিখা প্ৰতিযোগিতাত মন্নত কাইফে প্ৰথম স্থান লাভ কৰাৰ বিপৰীতে দ্বিতীয় স্থান লাভ কৰে অভিজিৎ বৰাই। ছাত্ৰ-ছাত্ৰীসকলৰ মাজত এইডছ বিষয়ক সজাগতা সৃষ্টিৰ বাবে আয়োজন কৰা এই প্ৰতিযোগিতাখনি পৰিচালনা কৰে পিৰামল স্বাস্থ্যৰ নগাৱঁৰ প্ৰকল্প বিষয়া পল্লৱ বৰা আৰু ক্ষেত্ৰ বিষয়া হৃদিষ নন্দন বৰঠাকুৰে । প্ৰতিযোগিতাৰ বিচাৰক হিচাপে আছিল বৰ্ণালী আৰ্ট স্কুলৰ অধ্যক্ষ কৃষ্ণ মোদক ।