November
26
/ 2018
গোলাঘাটৰ পৰা মীনাক্ষী ফুকন
বিগত ১৪ বছৰ ধৰি কাজিৰঙা নিউজ নেটৱৰ্কে প্ৰদান কৰি অহা গোলাঘাট জিলা ভিত্তিত বানেশ্বৰ মহন্ত সোঁৱৰণী শ্ৰেষ্ঠ সাংবাদিকতা বঁটা ২০১৮ বৰ্ষৰ বাবে ঘোষণা কৰা হৈছে ।
চলিত বৰ্ষত এই সন্মানীয় বঁটাটি প্ৰদান কৰা হৈছে গোলাঘাটৰ নিউজ 18 অসম নৰ্থ-ইষ্টৰ সাংবাদিক ৰোহিত গগৈলৈ । বহু বছৰ ধৰি সংবাদ জগতলৈ সেৱা আগবঢ়াই অহা গগৈ গোলাঘাট জিলা সাংবাদিক সংস্থাৰ মুখ্য সম্পাদকৰ পদতো নিষ্ঠাৰে দায়িত্ব পালন কৰি আহিছে ।
গগৈৰ যোগ্যতাই কঢ়িয়াই অনা এই সন্মানত গোলাঘাটৰ সাংবাদিক মহলত এক আনন্দমুখৰ পৰিৱেশ সৃষ্টি হোৱাৰ লগতে সকলোৱে শুভেচ্ছা জ্ঞাপন কৰিছে ।
এই বঁটাত থাকিব এখনি অংগ বস্ত্ৰ, স্মাৰক, মানপত্ৰ আৰু নগদ ধন । অহা জানুৱাৰী মাহত অনুষ্ঠিত হ'বলগীয়া এক গাম্ভীৰ্যপূৰ্ণ সভাত গগৈক এই বঁটা প্ৰদান কৰা হ'ব ।
- Log in to post comments
- 16 views
