মাজদিয়া আৰক্ষীৰ জালত গভাইত চোৰ

চেঙাৰ পৰা সুৰজিৎ পাঠক

বৰপেটা জিলাৰ সৰ্থেবাৰী থানাৰ অন্তৰ্গত ছটলাৰ পৰা আজি পুৱা মাজদিয়া আৰু গড়চুক আৰক্ষীয়ে যৌথ অভিযান চলাই এটা গভাইত চোৰ আটক কৰিবলৈ সক্ষম হয় । আটক হোৱা চোৰটো ছটলাৰ চৰবেশ আলীৰ পুত্ৰ তাৰাব আলী (২২) বুলি জানিব পৰা গৈছে । গড়চুক আৰক্ষী থানাত ৰুজু হোৱা ৬৬৮/১৮ নম্বৰ গোচৰৰ ভিত্তিত চুৰিৰ অভিযোগত তাৰাব আলীক মাজদিয়া আৰক্ষীয়ে আটক কৰি গড়চুক আৰক্ষী থানাত গটাই দিয়ে ধৃত  চোৰটোক ।

উল্লেখ্য যে যোৱা ২৪ নৱেম্বৰত পুব ছটলাৰ পৰা ৰহিজুদ্দিন নামৰ আন এটা চোৰক আৰক্ষীয়ে আটক কৰিছিল । আজি ৰহিজুদ্দিনক লগত লৈ গড়চুক আৰক্ষীয়ে মাজদিয়া আৰক্ষীৰ সহযোগত অভিযান চলাইছিল ।