ৰহাত অগপৰ নিৰ্বাচনী কাৰ্যালয় মুকলি

আগন্তুক পঞ্চায়ত নিৰ্বাচন দিন চমু চাপি অহাৰ লগে লগে ৰাজ্যত বৃদ্ধি পাইছে নিৰ্বাচনী প্ৰচাৰ অভিযান । নগাঁও জিলাৰ ৰহাত ৫নং জাগীয়াল জিলা পৰিষদৰ অন্তৰ্গত ফুলগুৰিত আৰু চাপৰমূখৰ জিলা পৰিষদৰ অন্তৰ্গত বগলাজান পঞ্চায়তত অগপ দলে আজি আনুষ্ঠানিকভাৱে দুটাকৈ দলীয় কাৰ্যালয় মুকলি কৰিলে ।

জাগীয়াল জিলা পৰিষদৰ অন্তৰ্গত ফুলগুৰিত প্ৰাক্তন মীন মন্ত্ৰী উমেশ চন্দ্ৰ দাসৰ উপস্থিতিত কেন্দ্ৰীয় সমিতিৰ সদস্য পদ্ম গোস্বামীয়ে মুকলি কৰি নিৰ্বাচনৰ বাবে অভিযান আৰম্ভ কৰে। উল্লেখ্য যে ৫নং জিলা পৰিষদৰ প্ৰাৰ্থী হিচাপে অসম গণ পৰিষদ দলে আছু নেতা পংকজ দাসক প্ৰাৰ্থিত্ব প্ৰদান কৰে ।

আনহাতে চাপৰমূখ জিলা পৰিষদৰ অন্তৰ্গত বগলাজানতো নগাঁৱ জিলাৰ অগপ দলৰ আইনী কোষৰ সম্পাদক পৰান গোহাঁই, আনন্দ শইকীয়া আৰু বগলাজান পঞ্চায়তৰ সভানেত্ৰী পদৰ প্ৰাৰ্থী স্বপ্নাৰানী হীৰা, বগলাজান আঞ্চলিক অগপৰ সাধাৰণ সম্পাদক জয়দীপ লস্কৰ আদিৰ উপস্থিতিত মুকলি কৰা হয় আন এটি দলীয় কাৰ্যালয় ৷ উল্লেখ্য, চাপৰমুখ জিলা পৰিষদৰ প্ৰাৰ্থী হিচাপে অৱতীৰ্ণ হৈছে অতুল মেধী ৷