ৰহাত পঞ্চায়ত নিৰ্বাচনৰ প্ৰচাৰ তুংগত 

ভিন্ন প্ৰান্তৰ লগতে ৰহাতো আগন্তুক পঞ্চায়তক নিৰ্বাচনকলৈ দলসমূহৰ মাজত নিৰ্বাচনী প্ৰচাৰ তুংগত হৈ উঠা পৰিলক্ষিত হৈছে । কংগ্ৰেছ, বিজেপিৰ লগতে অগপৰ প্ৰাৰ্থীসকলেও সমষ্টিটোৰ বিভিন্ন পঞ্চায়তত প্ৰচাৰ অভিযান তীব্ৰ কৰি তুলিছে ৷ শনিবাৰেও ঘাঁহী, ৰনথলী, শালমাৰা, দক্ষিণ জাগীয়াল, দীঘলদৰি, ফুলগুৰি মুঠতে ৬টা পঞ্চায়তৰে গঠিত ৫নং জাগিয়াল জিলা পৰিষদৰ অগপৰ  প্ৰাৰ্থী পংকজ দাস, দীঘলদৰি পঞ্চায়তৰ সভাপতি পদৰ প্ৰাৰ্থী জুন্টি বনিয়া আৰু আঞ্চলিক পঞ্চায়তৰ প্ৰাৰ্থী পুনম মেচ দাসকলৈ দীঘলদৰি পঞ্চায়তত ঘৰে ঘৰে নিৰ্বাচনী প্ৰচাৰ চলাই ৷

উল্লেখ্য, ৰহাত পূৰ্বৰ তুলনাত অগপৰ ভেটী মজবুত নাছিল যদিও শেহতীয়াকৈ নাৰায়ণ ভূঞা, অতুল মেধী আদিৰ নেতৃত্বত অগপ দলটোৱে পুনৰ শক্তিশালী ৰূপত অৱতীৰ্ণ হোৱা পৰিলক্ষিত হৈছে ৷ ৫নং জাগীয়াল জিলা পৰিষদত অগপৰ পংকজ দাসৰ বিপৰীতে কংগ্ৰেছ দলৰ ডম্বৰু শইকীয়া, বিজেপিৰ কবিতা দাসে প্ৰতিদ্বন্দিতা আগবঢ়াইছে ৷