ডিব্ৰুগড়ত বলীউডৰ ছুপাৰষ্টাৰ ছলমান খান

অৰুণাচলত অনুষ্ঠিত মেচুকা এডভেন্সাৰ ফেষ্টিভেলত অংশগ্ৰহণ কৰিবলৈ অহা ছলমান খানে আজি দুপৰীয়া এক বিশেষ বিমনাযোগে আহি ডিব্ৰুগড়ৰ মোহনবাৰী বিমানবন্দৰত অৱতৰণ কৰে ৷

ছলমান খানৰ লগতে একেখন বিমানত সহযোগী হিচাপে আহে কেন্দ্ৰীয় ৰাজ্যিক গৃহমন্ত্ৰী কিৰেণ ৰিজিজু ৷ বিমানবন্দৰত ছুপাৰষ্টাৰগৰাকীক উষ্ম আদৰণি জনোৱা হয় ৷

ছলমান খানে বিমানবন্দৰৰ জিৰণি কোঠাত কিছু সময় জিৰণি লৈ পোনে পোনে অৰুণাচললৈ ৰাওনা হয় ৷ উল্লেখ্য যে 'ডাবাং বয়' ছলমানক এই বছৰ অৰুণাচল চৰকাৰে পৰ্যটন বিভাগৰ ব্ৰেণ্ড এম্বেছাডৰ হিচাপে মনোনীত কৰিছে ৷

আনহাতে, ২২ লাখ টকা বৰঙণি আগবঢ়োৱা ছলমান খানে দ্বিতীয় ডালমিয়া এম টি বি অৰুণাচল হৰ্ণবিল আন্তঃৰাষ্ট্ৰীয় চাইক্লিং ইভেণ্টতো উপস্থিত থাকিব ৷

আমেৰিকাকে ধৰি এই প্ৰতিযোগিতাত বিশ্বৰ ১০খন দেশে অংশগ্ৰহণ কৰিব ৷