কামপুৰত শামুক সৰবৰাহকাৰী মাতৃ, পুত্ৰক আটক ৰেল আৰক্ষীয়ে

সাংবাদিকৰ তৎপৰতাত কামপুৰ ৰে'ল ষ্টেশ্যনত নিশা বৃহৎ সংখ্যক শামুক জব্দ কৰে ৰেল আৰু বন বিভাগে । শামুক সৰবৰাহকাৰী মাতৃ পুত্ৰক আটক ৰেল আৰক্ষীৰ ।  বিল খালৰ পৰা শামুক সংগ্ৰহ কৰি একাংশ অসাধু লোকে ডিমাপুৰলৈ প্ৰতিদিনে শামুক সৰবৰাহ কৰি আহিছে। নিশা কামপুৰ ৰে'ল ষ্টেশ্যনত সাংবাদিকৰ তৎপৰতাত ৫ বস্তাৰো অধিক শামুক জব্দ কৰিবলৈ সক্ষম হয় ৰেল আৰক্ষী ।

নিশা ইমদাদুল ইছলাম নামৰ কিশোৰ গৰাকীয়ে  শামুক খিনি ৰে'ল যোগে ডিমাপুৰলৈ নিব খুজোতেই কামপুৰৰ কেইজনমান সাংবাদিকে শামুক খিনি জব্দ কৰি ৰে'ল অাৰক্ষী অাৰু বন বিভাগক গতাই দিয়ে।উল্লেখযোগ্য যে ডিমাপুৰত প্ৰতি কেজি শামুক অধিক মূল্যত হয় বিক্ৰী হোৱাৰ বাবেই এনেদৰে শামুক সমূহ একাংশ অসাধু লোকে সৰবৰাহ কৰি আহিছে । পাছত বন বিভাগৰ লোকে শামুকখিনি পুনৰ পথাৰত এৰি দিয়ে ।