বৰপেটাৰোডত প্ৰেছ দিৱস পালন

বৰপেটাৰোডৰ পৰা ৰনজিৎ তালুকদাৰ
ৰাষ্ট্ৰীয় প্ৰেছ দিৱস কালি বৰপেটাৰোড প্ৰেছ ক্লাৱত উলহ মালহেৰে পালন কৰা হয় ৷ এই উপলক্ষে এক অন্তৰংগ আলাপ অনুষ্ঠান অনুষ্ঠিত হয় ৷ অনুষ্ঠানত এসময়ৰ সাংবাদিক তথা বৰ্তমান বৰপেটা জিলাৰ অতিৰিক্ত উপায়ুক্ত মনোজ চিকাৰীয়াই উপস্থিত থাকি তেওঁৰ সাংবাদিক জীৱনৰ অতীত ৰোমন্থন কৰে ৷

উপস্থিত সাংবাদিকসকলে সাংবাদিকতাৰ ক্ষেত্ৰখনত পোৱা তিতা-মিঠা অভিজ্ঞতাসমূহ আলোচনা কৰি সমগ্ৰ অনুষ্ঠানটো জীপাল কৰি তোলে ৷ বৰপেটাৰোড আৰক্ষী থানাৰ ভাৰপ্ৰাপ্ত বিষয়া অভিজিৎ বৰুৱাই অনুষ্ঠানত উপস্থিত হৈ আটাইকে ৰাষ্ট্ৰীয় প্ৰেছ দিৱসৰ শুভেচ্ছা জনায় ৷