মাজুলীত সুধাকন্ঠ ভূপেন হাজৰিকাক ছাত্ৰ সন্থাৰ সশ্ৰদ্ধ সোঁৱৰণ

মাজুলী মহকুমা ছাত্ৰ সন্থাৰ অন্তৰ্গত জেংৰাই আঞ্চলিক ছাত্ৰ সন্থাই বিশ্ব বৰেণ্য শিল্পী সুধাকন্ঠ ডঃ ভূপেন হাজৰিকাৰ সপ্তম মৃত্যু বাৰ্ষিকীৰ দিনা আজি মাজুলী ফুলনি চাৰিআলিত সশ্ৰদ্ধ শ্ৰদ্ধাঞ্জলি অনুষ্ঠান অনুষ্ঠিত কৰে ৷ অনুষ্ঠানত সদৌ অসম ছাত্ৰ সন্থাৰ ৰাজ্যিক কাৰ্যনিৰ্বাহক সূৰ্য কুমাৰ ভূঞাই বন্তি প্ৰজ্বলনেৰে কাৰ্যসূচী শুভাৰম্ভ কৰে ৷ বন্তি প্ৰজ্বলণ অনুষ্ঠানত বিভিন্ন গৰাকী নাগৰিক তথা ফুলনি চাৰিআলি অঞ্চলৰ লোকে অস্হায়ীভাৱে স্হাপন কৰা বিশ্ব বৰেণ্য শিল্পীগৰাকী প্ৰতিছবিত বন্তি জ্বলাই শিল্পীজনক শ্ৰদ্ধাঞ্জলি দিয়ে ৷

মাজুলী মহকুমা ছাত্ৰ সন্থাৰ সম্পাদক বিতোপন শৰ্মাই সাম্প্ৰতিক সময়ৰ পৰিস্থিতি আৰু ভূপেন হাজৰিকাদেৱৰ অসমীয়া জাতীয় জীৱনলৈ অৱদান সম্পৰ্কে বক্তব্য প্ৰদান কৰে । বিভিন্ন গণ্য মান্য ব্যক্তিসকলৰ লগতে স্থানীয় শিল্পীৰ দ্বাৰা ভূপেন হাজৰিকাদেৱৰ গীত পৰিবেশন কৰা হয় ৷ কাৰ্যসূচী সফৰ কৰি তোলাৰ বাবে জেংৰাই আঞ্চলিক ছাত্র সন্থাৰ সভাপতি দিগন্ত বৰুৱাই সকলোকে আন্তৰিক কৃতজ্ঞতা জ্ঞাপন কৰে ।