বঙাইগাঁৱত অভিশপ্ত ৩০ অক্টোবৰত নিহতসকললৈ আছুৰ শ্ৰদ্ধাঞ্জলি

অসমৰ ইতিহাসৰ এক ক'লা অধ্যায় হিচাপে চিহ্নিত অভিশপ্ত ৩০ অক্টোবৰত ৰাজ্যখনৰ বিভিন্ন ঠাইত সংঘটিত বোমা বিস্ফোৰণত নিহতসকলৰ প্ৰতি শ্ৰদ্ধাঞ্জলি জনাই মঙলবাৰে বঙাইগাঁও জিলা আছুৱে সন্ধিয়া ছহিদ ভৱনত বন্তি প্ৰজ্বলন কৰে ৷

অনুষ্ঠানত জিলা আছুৰ সাধাৰণ সম্পাদক মথুৰা বৰ্মনকে ধৰি সদস্যসকল উপস্থিত থাকে ৷ ইপিনে বঙাইগাঁও আঞ্চলিক ছাত্ৰ সন্থাই বৰপাৰা শাখা ছাত্ৰ সন্থাৰ সহযোগত সন্ধিয়া বৰপাৰাস্থিত ছহিদ বেদী প্ৰাংগণত বন্তি প্ৰজ্বলন কৰি বোমা বিস্ফোৰণত নিহতসকলৰ আত্মাৰ সদগতি কামনা কৰি শ্ৰদ্ধাঞ্জলি জনায় ৷

অনুষ্ঠানত জিলা আছুৰ উপ-সভাপতি পোলেন ৰাজবংশী, আঞ্চলিক আছুৰ সভাপতি ধনজিৎ পাঠক, সাধাৰণ সম্পাদক জগদ্বীশ ৰায় আদি উপস্থিত থাকে ৷