সোণাৰিত বীৰাঙ্গনা মূলাগাভৰুৰ পূৰ্ণাৱয়ব প্ৰতিমূৰ্তিৰ আধাৰশিলা স্থাপন

সোণাৰিৰ পৰা ঘন বৰা

টাই আহোম যুৱ পৰিষদ, অসমৰ চৰাইদেউ জিলা সমিতিৰ কাৰ্যালয়ৰ প্ৰাঙ্গণত সোণাৰি সমষ্টিৰ বিধায়ক তথা ৰাজ্যিক গড়কাপ্তানী আৰু শক্তিমন্ত্ৰী তপন কুমাৰ গগৈয়ে আজি বীৰাঙ্গনা মূলাগাভৰুৰ পূৰ্ণাৱয়ব প্ৰতিমূৰ্তিৰ লগতে টাই আহোম যুৱ পৰিষদ, অসম চমুকৈ টাইপাৰ চৰাইদেউ জিলা সমিতিৰ কাৰ্যালয়ৰ আধাৰশিলা স্থাপন কৰে ।

২০১৭-১৮ বৰ্ষৰ আনটাইড পুঁজি শিতানৰ পৰা নিৰ্মাণ কৰিবলগীয়া বীৰাঙ্গনা মূলাগাভৰুৰ পূৰ্ণাৱয়ব প্ৰতিমূৰ্তিৰ লগতে টাইপা চৰাইদেউ জিলা সমিতিৰ কাৰ্যালয়ৰ আধাৰশিলা স্থাপন কাৰ্যসূচীত চৰাইদেউ জিলাৰ উপায়ুক্ত বিবেকানন্দ ফুকন, চৰাইদেউ জিলা নিৰ্বাচনী বিষয়া সুলক্ষণা বৰপাত্ৰগোহাঁই, এপিজিচিএলৰ উপাধ্যক্ষ অনুপ সিং ৰাজপুৰোহিত, টাইপা কেন্দ্ৰীয় সমিতিৰ কাৰ্যকৰী সভাপতি লোহিত গগৈৰ লগতে বহুকেইজন বিশিষ্ট অতিথি উপস্থিত থাকে ।