ডিব্ৰুগড়ত ভয়ংকৰ অগ্নিকাণ্ড

ডিব্ৰুগড়ৰ পৰা জ্যোতিষ কুমাৰ পাতিৰ

ডিব্ৰুগড় চহৰত আজি সংঘটিত হয় এক ভয়ংকৰ অগ্নিকাণ্ড । চহৰখনৰ কে পি ৰোডত সংঘটিত হোৱা অগ্নিকাণ্ডত অঞ্চলটোৰ প্ৰায় দহটাৰো অধিক বাসগৃহ ভস্মীভূত হোৱাৰ খবৰ পোৱা গৈছে ।

আনহাতে, এই অগ্নিকাণ্ডত প্ৰায় কেইবা লক্ষাধিক টকাৰ সা-সম্পত্তি জুইত জাহ যায় । অৱশ্যে স্থানীয় লোকৰ তৎপৰতাত কেইবাখনো অগ্নিনিৰ্বাপক বাহিনীৰ গাড়ীৰে প্ৰায় দুঘণ্টাৰ অন্তত জুই নিয়্ন্ত্ৰণ কৰিবলৈ সক্ষম হয় ।

বৰ্তমানলৈকে অগ্নিকাণ্ড সংঘটিত হোৱাৰ সঠিক কাৰণ জানিব পৰা হোৱা নাই যদিও শ্বৰ্ট চাৰ্কিটৰ ফলতে এই অগ্নিকাণ্ড সংঘটিত হোৱা বুলি স্থানীয় লোকে সন্দেহ ব্যক্ত কৰে ।