খুমটাইত অঘটন : পুখুৰীত পৰি সলিল সমাধি শিশুৰ

গোলাঘাটৰ পৰা মীনাক্ষী ফুকন

আজি গোলাঘাটৰ খুমটাই সমষ্টিৰ হালধিবাৰী অঞ্চলত এটি কণমানি শিশুৰ পুখুৰীত পৰি সলিল সমাধি ঘটে । জানিব পৰামতে, নগাঁও ধিঙৰ এই শিশুটি পূজা উদ্‌যাপনৰ বাবে পিতৃ-মাতৃৰ লগত মোমায়েকৰ ঘৰলৈ আহিছিল ৷

বিমল মাহাতো নামৰ শিশুটি চোতালত খেলি আছিল যদিও ককাকে গৰু খেদিবলৈ পিছফালে যাওঁতে পাছে পাছে যোৱা শিশুটি বাৰীৰ পিছফালৰ পুখুৰীত পৰি অকালতে মৃত্যুক আকোৱালি লয় ।

শিশুটিৰ আকস্মিক মৃত্যুত অঞ্চলটোত শোকৰ ছাঁ পৰে ।