চৰাইদেউৰ কানু চাহ বাগিচাত জঘন্য হত্যাকাণ্ড : ভাতৃৰ আক্ৰমণত প্ৰাণ গ'ল ককায়েকৰ

সোণাৰিৰ পৰা ঘন বৰা

চৰাইদেউ জিলাৰ সোণাৰিৰ কানু চাহ বাগিচাত সংঘটিত হৈছে এক অঘটন‌ । ভাতৃৰ আক্ৰমণত প্ৰাণ গ'ল ককায়েকৰ । ৰডেৰে মৰিয়াই হত্যা কৰে ককায়েক পুতলু ভূমিজক । ঘৰুৱা কন্দলৰ ফলত যোৱা বুধবাৰে মাৰপিট হৈছিল ককায়েক পুতলু ভূমিজ আৰু ভায়েক ভৈৰৱ ভূমিজৰ মাজত ।

ফলত গুৰুতৰভাৱে আঘাতপ্ৰাপ্ত হৈ চিকিৎসাধীন হৈছিল পুতলু ভূমিজ ৷ আজি সাপেখাতী চিকিৎসালয়ত মৃত্যু হয় পুতলু ভূমিজৰ । ঘটনাস্থলীত সাপেখাতী আৰক্ষী উপস্থিত হৈ আটক কৰিছে হত‍্যাকাৰী ভৈৰৱ ভূমিজক ।

শিৱসাগৰ অসামৰিক চিকিৎসালয়লৈ মৰণোত্তৰ পৰীক্ষাৰ বাবে মৃতদেহ আৰক্ষীয়ে প্ৰেৰণ কৰে ।