বটদ্ৰৱাত গুণোৎসৱৰ প্ৰস্তুতি কৰ্মশালা : শতাধিক শিক্ষকৰ অংশগ্ৰহণ

নগাঁৱৰ পৰা ঋতুপৰ্ণ শৰ্মা

নগাঁও জিলাত শিক্ষা বিভাগৰ উদ্যোগত হ'বলগীয়া গুণোৎসৱ সন্দৰ্ভত পূৰ্ণগতিত চলিছে প্ৰস্তুতি পৰ্ব ৷ অন্যান্য শিক্ষা খণ্ডৰ লগতে বটদ্ৰৱা শিক্ষা খণ্ডৰ বিভিন্ন এলেকাত চলিছে গুণোৎসৱৰ প্ৰস্তুতি সভা, কৰ্মশালা আদি ৷
 
বটদ্ৰৱা শিক্ষা খণ্ডৰ অন্তৰ্গত বটদ্ৰৱা সমল শিক্ষা কেন্দ্ৰৰ অধীনৰ বিভিন্ন বিদ্যালয়ত চলিছে এনে সভা ৷ আজি বটদ্ৰৱা সমল শিক্ষা কেন্দ্ৰৰ চি আৰ চি চি ৰামপ্ৰসাদ নাথৰ তত্ত্বাৱধানত আজি বটদ্ৰৱা চৰকাৰী বালক নিম্ন বুনিয়াদী বিদ্যালয় আৰু বটদ্ৰৱা শ্ৰীশ্ৰী শঙ্কৰদেৱ উচ্চতৰ মাধ্যমিক বিদ্যালযত অনুষ্ঠিত হয় গুণোৎসৱ সম্পৰ্কীয় প্ৰস্তুতি কৰ্মশালা ৷

এলেকাটোৰ বিভিন্ন বিদ্যালয়ৰ প্ৰায় শতাধিক শিক্ষকে কৰ্মশালাত গুণোৎসৱ সন্দৰ্ভত বিভিন্ন খুঁটি-নাতি সম্পৰ্কে সমল ব্যক্তিৰ পৰা অৱগত হোবা বুলি জানিবলৈ দিছে ৷ 

তাৎপৰ্যপূৰ্ণভাৱে প্ৰয়োজনীয় নিৰ্দেশনাক চূড়ান্তভাৱে অৱজ্ঞা কৰি কেইবাগৰাকীও শিক্ষকে আজিৰ কৰ্মশালাত অনুপস্থিত থকাৰ উপৰি বহু শিক্ষকে মাথোঁ উপস্থিতিৰ স্বাক্ষৰ কৰিয়েই দৃষ্টিকটুভাৱে গুচি যোৱা বুলি জানিব পৰা গৈছে ৷

বিভাগীয় বিষয়াই এনে শিক্ষকৰ বিৰুদ্ধে কেনে ব্যৱস্থা গ্ৰহণ কৰে সেয়াহে লক্ষণীয় হ'ব ৷