চৰাইদেউৰ সীমান্তত অস্ত্ৰ-শস্ত্ৰ উদ্ধাৰ

চৰাইদেউ জিলাৰ অসম-নাগালেণ্ড সীমান্তৱৰ্তী কানু বালিজান গ্ৰাণ্টৰ হাবিৰ মাজৰ পৰা সোমবাৰে বিয়লি চি আৰ পি এফৰ জোৱানে অভিযান চলাই কিছু পৰিমাণৰ অস্ত্ৰ-শস্ত্ৰ উদ্ধাৰ কৰে ।

ঘটনা সন্দৰ্ভত জানিব পৰা মতে, সোণাৰিত বাহৰ পাতি থকা ডি/১৪৯ৰ  চি আৰ পি এফৰ জোৱানে গোপন সূত্ৰৰ পম খেদি অঞ্চলটোত উগ্ৰপন্থীবিৰোধী অভিযান চলাবলৈ যাওঁতে এটা বন্দুক, কেইবাটাও সজীৱ গুলী, বিষ্ফোৰক তৈলজাতীয় সামগ্ৰী আৰু খুকুৰি উদ্ধাৰ কৰে ।

পাছত সামগ্ৰীসমূহ অভিযানকাৰী দলটোৱে সাপেখাতী আৰক্ষী থানাত চমজাই দিয়ে । উদ্ধাৰ কৰা অস্ত্ৰসমূহ কোনোবা চোৰাং কাঠ ব্যৱসায়ীয়ে অভিযানকাৰী দলটোক প্রত্যক্ষ কৰি পেলাই থৈ যোৱা বুলি সন্দেহ কৰা হৈছে ।