গহপুৰৰ হেলেমত মণ্ডল-কাননগুৰ অসহযোগ

সদৌ অসম মণ্ডল-কাননগু সন্মিলনৰ আহ্বানমৰ্মে অসমৰ বিভিন্ন প্ৰান্তৰ ৰাজহ চক্ৰৰ লগতে বিশ্বনাথ জিলাৰ হেলেম ৰাজহ চক্ৰৰ মণ্ডল কাননগুসকলেও সোমবাৰে অসহযোগ কাৰ্যসূচী পালন কৰে ।

অসহযোগ কাৰ্যসূচীৰ শেষত হেলেম ৰাজহ চক্ৰৰ চক্ৰ বিষয়া বিমান দাসৰ জৰিয়তে অসমৰ মুখ্য মন্ত্ৰীলৈ এক স্মাৰক-পত্ৰ প্ৰেৰণ কৰা হয় ।

উল্লেখ্য যে হৰি শংকৰ ব্ৰক্ষ কমিটীৰ পৰামৰ্শ কাৰ্যকৰী কৰিবৰ বাবে চৰকাৰৰ মণ্ডল-কাননগুসকলক আন্ত:জিলা বদলিকৰণৰ সিদ্ধান্ত বাতিল কৰাৰ লগতে সন্মিলনৰ আন ১৮ দফীয়া দাবী পূৰণৰ অৰ্থে অসহযোগ কাৰ্যসূচী গ্ৰহণ কৰিছে ।