তামুলপুৰত সিন্ধি খন্দা চোৰ আটক

তামুলপুৰৰ উত্তৰ গান্ধীবাৰীত সিন্ধি খন্দা চোৰৰ বিলয় ৷

তাহানিৰ বোপা-আতাৰ পৰম্পৰা ৰক্ষা কৰি চুৰিকাৰ্য সংঘটিত কৰি আহিছিল ইঘৰৰ পিছত সিঘৰ ৷

জানিব পৰামতে, তামুলপুৰ থানাৰ গান্ধীবাৰী আৰক্ষীচকীৰ অন্তৰ্গত উত্তৰ গান্ধীবাৰীৰ বৰিচুবাৰ বিনু কাকতিৰ ঘৰত বৃহস্পতিবাৰে নিশা চুৰি কৰিবলৈ গৈ চোৰে সিন্ধি খান্দি থাকোঁতে গৃহস্থই হাতে-লোটে ধৰা পেলায় এজন কিশোৰক ৷ ধৃত কিশোৰজনৰ নাম জয়ন্ত পাটোৱাৰী (১৫) ৷

পিছত গান্ধীবাৰী আৰক্ষীচকীত পৰিয়ালৰ লোক আৰু ৰাইজে খবৰ দিয়াত আৰক্ষী বিষয়া আৰক্ষীৰ দলসহ গৃহস্থৰ ঘৰত উপস্থিত হৈ জয়ন্ত পাটোৱাৰী (১৫) নামৰ ধৃত চোৰটোক আৰক্ষীচকীলৈ আনে ৷

চোৰটোক সোধাপোছা কৰাত তাৰ সহযোগী ক্ৰমে পৰশু পাটোৱাৰী (৪০) আৰু অনিল বড়ো (২০) চুৰকাৰ্যত জড়িত বুলি স্বীকাৰ কৰে ৷

আৰক্ষীয়ে লগে লগে এই দুটা চোৰকো আটক কৰে ৷ আজি জয়ন্ত পাটোৱাৰীক জুভেনাইল আদালতত হাজিৰ কৰাৰ লগতে আন দুটা চোৰক জে'ল হাজোতলৈ প্ৰেৰণ কৰে ৷