গুৱাহাটীত লোমহৰ্ষক ঘটনা: শোৱাপাটীতে বৃদ্ধা দম্পতিক হত্যা দুৰ্বৃত্তৰ

নিউজ ডেস্ক:

গুৱাহাটী মহানগৰীত এহাল বৃদ্ধ দম্পতিক নৃশংস হত্যা।গুৱাহাটী ছাৰ্ভেত সংঘটিত হৈছে লোমহৰ্ষক হত্যাকাণ্ড।দুৰ্ভগীয়া দম্পত্তিহাল নাম ননীগোপাল বৰুৱা(৮৭)আৰু মিনা বৰুৱা(৬৭)।

উল্লেখ্য যে  সোমাবাৰে নিশা শুই থকা অৱস্থাত দুৰ্বৃত্তই নৃশংসভাৱে হত্যা কৰিছিল দুয়োকে ।

গুৰুত্বপূৰ্ণ কথা  এই যে ঘটনা সংঘটিত হোৱাৰ পাছতে আৰক্ষীয়ে তদন্ত অব্যাহত ৰাখিছে ।
স্নিফাৰ ডগ লৈ আৰক্ষীয়ে ঘটনাস্থলীৰ প্ৰতিটো দিশ পৰীক্ষা কৰিছে। হত্যাকাণ্ডস্থলীত আৰক্ষী আয়ুক্ত নিজে উপস্থিত হৈ হত্যাকাণ্ডৰ সমগ্ৰ দিশ পৰ্যবেক্ষণ কৰিছে।

ইফালে ঘটনা সন্দৰ্ভত সোধ-পোচৰ বাবে দিছপুৰ আৰক্ষীৰ আটক কৰিছে কেয়াৰটেকাৰ আকাশ চৌধুৰী আৰু তেওঁৰ পত্নীক।কিয়নো হত্যাকাণ্ড সংঘটিত হোৱা সময়ত কাষৰ ৰুমতে আছিল কেয়াৰটেকাৰ দম্পত্তিদ্বয়।প্ৰাপ্ত খবৰ অনুসৰি ১৮ বছৰ আকাশ বৃদ্ধদম্পত্তিদ্বয়ৰ ঘৰত কেয়াৰটেকাৰ হিচাপে আছিল ।