খাৰঘুলিৰ বিলাসী ৰিভেৰা এপাৰ্টমেণ্টত ৰেভ পাৰ্টী: আৰক্ষীৰ অভিযান

নিউজ ডেস্ক :

গুৱাহাটী মহানগৰীৰ বিলাসী এপাৰ্টমেন্টত ৰেভ পাৰ্টী।জন্মদিন উদযাপনৰ নামত নিষিদ্ধ ড্ৰাগছৰ পয়োভৰ।খাৰঘুলি ৰিভেৰা এপাৰ্টমেন্টত সংঘটিত হৈছে এই ঘটনা।

খবৰ অনুসৰি লতাশিল আৰক্ষীয়ে অভিযান চলাই জন্মদিন পাৰ্টীৰ পৰা  আটক কৰিছে ১৮জনকৈ লোকক ।
আৰক্ষীৰ সূত্ৰই প্ৰকাশ কৰা মতে জন্মদিনৰ পাৰ্টীত আছিল ড্ৰাগছ সৰবৰাহকাৰী উপস্থিত।বিশেষ সূত্ৰৰ খবৰৰ ভিত্তিত লতাশিল থানাই এপাৰ্টমেন্টটোত অভিযান চলাই- বিকাশ জৈন, নাছিফ আহমেদ, সুমিত কুমাৰ বেৰিয়া, চয়ন শইকীয়া, অমৃত পেগু, অমৃত বৰুৱা, হিৰেন্দ্ৰ সিনহা, অশোক বৰ্মন, ৰিদিপ বৰুৱা, সিদ্ধাৰ্থ বৰঠাকুৰ, মহম্মদ ফাহাদ,ফাৰি আলি, ৰাকেশ বৰগোঁহাইসহ মুঠ ১৮জন পুৰুষ- মহিলাক আটক কৰিছিল।

ঘটনাৰ সন্দৰ্ভত মহানগৰ আৰক্ষী আয়ুক্ত হৰমিত সিঙে প্ৰকাশ কৰা অনুসৰি- ক'ৰনাৰ বাধ্য-বাধকতা ভংগ কৰি আয়োজন কৰিছিল পাৰ্টী।শুকুৰবাৰে নিশা ১১.৩০ বজাত আৰক্ষীয়ে চলাইছিল অভিযান।অভিযানত ৪গ্রাম ক'কেইন আৰু গাঞ্জা জব্দ কৰা হৈছে।

আনহাতে, নিষিদ্ধ ড্ৰাগছৰ সৈতে ৰাজ্যৰ বাহিৰৰ সংযোগ পোৱা বুলিও আয়ুক্তই কয়।