গ্ৰীষ্মবন্ধ শেষ: মঙ্গলবাৰৰপৰা চৰকাৰী-বেচৰকাৰী বিদ্যালয়ক অন্‌লাইন পাঠদানৰ নিৰ্দেশ শিক্ষা বিভাগৰ

ক'ৰ'নাতংকৰ মাজতে ৰাজ্যৰ শিক্ষা বিভাগৰ মাহজোৰা গ্ৰীষ্ম বন্ধৰ সামৰণি পৰিল। মঙ্গলবাৰৰপৰা বিদ্যালয়সমূহক অন্‌লাইন পাঠদান আৰম্ভ কৰাৰ নিৰ্দেশনা জাৰি কৰিছে শিক্ষা বিভাগে। বিদ্যালয় নোখোলালৈকে চৰকাৰী-বেচৰকাৰী সকলো বিদ্যালয়ক অন্‌লাইনত পাঠদানৰ ব্যৱস্থা কৰাৰ নির্দেশ বিভাগৰ। 

উল্লেখ্য ক'ৰ'নাৰ বাবে শিক্ষা বিভাগে প্ৰাক্‌-প্ৰাথমিক শ্ৰেণীৰপৰা উচ্চতৰ মাধ্যমিক দ্বাদশ শ্রেণীলৈকে গ্ৰীষ্মকালীন বন্ধ ১৫ মে’ৰপৰা ১৪ জুনলৈ দিবলৈ নিৰ্দেশ দিছিল।

গুৰুত্বপূৰ্ণ কথা ৰাজ্যত শেহতীয়া ভাৱে ক্ৰমাৎ হ্ৰাস পাইছে ক’ভিড আক্রান্তৰ সংখ্যা। পৰিৱেশ স্বাভাৱিক অৱস্থালৈ ঘুৰি আহিলেই মুকলি হ’ব বিদ্যালয়সমূহ।