বকোৰ ভিন্ন অঞ্চলত ড্ৰাগছৰ বিৰুদ্ধে আৰক্ষীৰ অভিযান

*ড্ৰাগছসহ তিনিজনক আটক* #বকোৰ পৰা বিষ্ণু ৰাম দাস: কামৰূপ জিলাৰ বকো আৰু সোণতলী আৰক্ষীয়ে সোমবাৰে নিশা ড্ৰাগছৰ বিৰুদ্ধে অভিযান চলাই সোণতলী বজাৰৰ পৰা এজন ড্ৰাগছ ব্যৱসায়ীক আটক কৰিবলৈ সক্ষম হোৱাৰ লগতে ১৩১ টা ব্ৰাউন চুগাৰৰ কন্টেইনাৰ জব্দ কৰিবলৈ সক্ষম হয়। উল্লেখ্য যে বকো আৰক্ষীৰ থানাৰ ভাৰপ্ৰাপ্ত আৰক্ষী বিষয়া সঞ্জীত কুমাৰ ৰায়ৰ নেতৃত্বত চলিছিল এই অভিযান৷আৰক্ষীৰ এই অভিযানত ৰেজাউল হক ওৰফে ড্ৰাগছ জগতত বাবু নামৰে পৰিচিত এজন যুৱকক সোমবাৰে নিশা সোণতলী বজাৰৰ পৰা ড্ৰাগছসহ আৰক্ষীয়ে আটক কৰে৷ আৰক্ষীয়ে ৰেজাউল হকক আটক কৰাৰ পিছত পোহৰলৈ আহিছে বহুতো নতুন নতুন তথ্য। ইফালে ড্ৰাগছৰ বিৰুদ্ধে বকো আৰক্ষীৰ অভিযান আৰম্ভ হয়। লগতে, পুনৰ মঙলবাৰে বকোৰ শাখাতিত ড্ৰাগছৰ বিৰুদ্ধে আৰক্ষীয়ে অভিযান চলাই ১২ টা কন্টেইনাৰসহ দুজনক গ্ৰেপ্তাৰ কৰে। শাখাতিত গ্ৰেপ্তাৰ কৰা যুৱকদ্বয়ৰ নাম ক্ৰমে আকিমুল হুছেইন আৰু মজামিল আলী। দুয়োৰে ঘৰ ধূপধৰাৰ হাশ্ৰাবড়ীত।