কলিয়াবৰত গণ সংক্ৰমণৰ দিশে ক'ভিড-১৯

#কলিয়াবৰৰ পৰা প্ৰদীপ লস্কৰ:

কলিয়াবৰত গণ সংক্ৰমণৰ দিশে কোভিড -১৯। কলিয়াবৰত আজিলৈকে মুঠ ৮০৬ লোক ক'ৰ'নাত আক্ৰান্ত হয় আৰু ইয়াৰে ৪১৫জন বৰ্তমানলৈকে সুস্থ হৈ উঠে। গেমন ইণ্ডিয়া কোম্পানী(চুলুং), জাৱনি গাঁও,পুৰণা শালনাৰ ১ নং লাইন(ননৈ চাহ বাগান), তেলীয়া গাঁৱকে ধৰি চাৰিটাকৈ কন্টেইনমেন্ট জ'ন ঘোষণা কৰা হৈছে।এই পৰ্যন্ত কলিয়াবৰত মৃত্যু হৈছে চাৰিজনকৈ ক'ভিড আক্ৰান্তৰ।

ইফালে, বৃহস্পতিবাৰে দুপৰীয়াৰ পৰা জনস্বাস্থ্য কাৰিকৰী বিভাগৰ কলিয়াবৰ সংমণ্ডলে কলিয়াবৰৰ বিভিন্ন এলেকাত চেন্টিটাইজেচন আৰম্ভ কৰিছে।কলিয়াবৰৰ জখলাবন্ধাতো চেনিটাইজেচনৰ কাম হাতত লোৱা দেখা গৈছে।