ৰহস্য:নলবাৰী মালিকুছিত গৰাকীবিহীন গাড়ী উদ্ধাৰ

#দ্বিজেন ডেকা,ঘগ্ৰাপাৰ, ৪ মে':

নলবাৰী চহৰৰ সমীপৱৰ্তী শ্যামৰায় সত্ৰৰ ভকতৰ দোকানৰ সন্মুখত আজি দিনৰ ভাগত এখন গৰাকীবিহীন চাৰিচকীয়া গাড়ী পৰিত্যক্ত অৱস্থাত উদ্ধাৰ হোৱা ঘটনাই বৃহত্তৰ অঞ্চলটোত ব্যাপক চাঞ্চল্যৰ সৃষ্টি কৰিছে।উল্লেখযোগ্য যে এ এছ ০১ ডি ডব্লিউ ৬৯১৫ নম্বৰৰ বগা ৰঙৰ টাটা টিয়াগ' এক্স টি   গাড়ীখন পথৰ দাঁতিত কালিৰে পৰা আজিলৈকে কোনো লোকে ৰখায় থয় বুলি স্থানীয় সূত্ৰত প্ৰকাশ। আজি স্থানীয় লোকে নলবাৰী সদৰ আৰক্ষীক খবৰ দিয়াত আৰক্ষীয়ে গাড়ীখন থানালৈ লৈ যায়। নম্বৰপ্লেটৰ তথ্যমতে গাড়ীখনৰ গৰাকী গুৱাহাটী শান্তিপুৰ জ্যোতিস্মান শৰ্মা। ইপিনে, কোনে কি উদ্দেশ্যেৰে গাড়ীখন এনেদৰে এৰি থৈ গৈছে সেই লৈ ৰহস্যৰ সৃষ্টি হৈছে।।