নলবাৰীত বিপুল আদৰণি নৱ-নিৰ্বাচিত বিজেপি বিধায়ক জয়ন্ত মল্ল বৰুৱাক

*উন্নয়নমূলক কামেৰে দিম জনসাধাৰণৰ মৰমৰ প্ৰতিদান*

#দ্বিজেন ডেকা,ঘগ্ৰাপাৰ,৩ মে':

''অসমক এখন উন্নত ৰাজ্য হিচাপে গঢ়ি তোলাৰ স্বাৰ্থত নলবাৰী সমষ্টিবাসীয়েও পূৰ্ণ সহাযোগ কৰিছে।ৰাইজৰ সেই সহযোগৰ মূল‍্য উন্নয়নেৰে দিয়াৰ প্ৰয়াস কৰিম।'' নলবাৰীৰ বাঁহজানীৰ চান্দুকুছিস্থিত নিজ বাসগৃহত সাংবাদিকৰ আগত এই মন্তব্য নলবাৰী সমষ্টিৰ নৱ-নিৰ্বাচিত বিজেপিৰ বিধায়ক জয়ন্ত মল্ল বৰুৱাৰ।তেওঁ লগতে কয় যে পূূৰ্বতকৈ উন্নয়নত নতুনত্ব অনাৰ বাবেও কাম-কাজ হাতত লোৱা হ'ব।ৰাইজে  বিপুল ভোটেৰে আশীৰ্বাদ  দিলে বুলি তেওঁ ব‍্যক্ত কৰে।২ মে'ৰ নিশা বৰুৱা চান্দুকুছিস্থিত নিজ গৃহ আহি পোৱাৰ পিছত এক আনন্দ-উল্লাসৰ পৰিৱেশৰ সৃষ্টি হয়।

ইফালে,জয়ন্ত মল্ল বৰুৱাৰ বিশাল বিজয়ত নলবাৰী জিলা বিজেপিৰ সভাপতি ডাঃ মৃগাংক তালুকদাৰ,সাধাৰণ সম্পাদক পুলক কুমাৰ শৰ্মা,সম্পাদক দিপেন কলিতা,বড়িগোগ বনভাগ মণ্ডল সমিতিৰ সভাপতি ডিম্বেশ্বৰ বেজবৰুৱা,পূব-নলবাৰী মণ্ডলৰ সভাপতি প্ৰতুল কলিতা,টাউন মণ্ডলৰ সভানেত্ৰী অজিতা বৰ্মন,নলবাৰী ভাৰতীয় জনতা যুৱ মৰ্চাৰ সভাপতি হেমন্ত বৰ্মন,নলবাৰী জিলা পৰিষদৰ সভাপতি নিতুল ডেকা,ঘগ্ৰাপাৰ জিলা পৰিষদৰ সদস্য পংকজ ডেকা,বড়িগোগ বনভাগ মণ্ডল অ'বিচি মৰ্চাৰ সাধাৰণ সম্পাদক দ্বীজেন দাস আদিয়ে ক'ভিড প্ৰট'কল মানি আদৰণি জনায়।

উল্লেখ‍্য যে নলবাৰীত মিত্ৰজোঁটৰ বিজেপিৰ প্ৰাৰ্থী জয়ন্ত মল্ল বৰুৱাই মহাজোঁটৰ প্ৰাৰ্থী প্ৰদ‍্যুৎ কুমাৰ ভূঞাক ৪৯,৪০৫ টা ভোটৰ ব‍্যৱধানত পৰাজিত কৰে। জয়ন্ত মল্ল বৰুৱাই ১,০৪,৫৭৭ টা ভোট লাভ কৰাৰ বিপৰীতে মহাজোঁট প্ৰাৰ্থী ভূঞাই লাভ কৰে ৫৫,০৭২ টা ভোট।