বিকল শিৱসাগৰ জিলাৰ বাকচু খেলুৱা গাঁঁও পানী যোগান আঁচনিৰ প্ৰকল্প

#শিৱসাগৰৰ পৰা কল্যাণজ্যোতি বুুঢ়াগোহাঁই:

*এটুপি বিশুদ্ধ খোৱাপানীৰ বাবে দুৰ্ভোগ ভুগিছে খেলুৱাৰ কেইবাখনো গাঁৱৰ ৰাইজে*

গৰু গোহালিত পৰিণত হৈছে শিৱসাগৰ জিলাৰ বাকচু খেলুৱা গাওঁ পানী যোগান আঁচনিৰ প্ৰকল্প।কাণসাৰ নাই বিভাগীয় কৰ্তৃপক্ষৰ।চকুমুদা কুলিৰ ভাৱত এতিয়া জনস্বাস্থ্য কাৰিকৰী বিভাগ।উল্লেখ্য যে শিৱসাগৰ জিলাৰ খেলুৱা উন্নয়ন খণ্ডৰ অন্তৰ্গত বেতবাৰী মৌজাৰ বাকচু খেলুৱা গাওঁ,বাকচু হাজৰিকাচুক,বাকচু কোঁৱৰ গাঁৱকে ধৰি কেইবাখনো গাঁৱত এতিয়া এটুপি বিশুদ্ধ খোৱাপানী বিচাৰি প্ৰায় এটা বছৰৰো অধিক কাল ধৰি গাঁওবাসীয়ে হাহাকাৰ কৰিবলগাত পৰিছে ৷ 

বিশেষকৈ খৰালিৰ দিনকেইটাত এটুপি বিশুদ্ধ খোৱাপানীৰ অভাৱত গাঁওবাসীয়ে টিউবেলৰ আইৰনযুক্ত পানীকেই সেৱন তথা ব্যৱহাৰ কৰিব লগাত পৰিছে।তদুপৰি প্ৰকল্পটোতসংযোগ কৰা ট্ৰেন্সফৰ্মাৰ বিদ্যুৎ বিভাগৰ অৰ্কমণ্যতা আৰু গাফিলতিৰ বাবে বাঁহৰ ঠেকা দি চলাবলগাত‌ পৰিছে। 

স্থানীয় ৰাইজে জানিবলৈ দিয়া মতে বিভাগীয় অভিযন্তাগৰাকী উক্ত স্থানলৈ আহে যদিও কামৰ হেমাহিৰ বাবে আজি পৰ্যন্ত খেলুৱা গাঁঁও পানী যোগান আঁচনিৰ এটুপি বিশুদ্ধ পানী ব্যৱস্থা আজি পৰ্যন্ত সুচল হৈ নুঠিল।