কলিয়াবৰৰ বৰঘূলিত নাও দুৰ্ঘটনাত এজন লোকৰ মৃত্যু

#কলিয়াবৰৰ পৰা প্ৰদীপ লস্কৰ,২৫ এপ্ৰিল:

আজি পুৱাই ব্ৰহ্মপুত্ৰত ভয়ংকৰ নাও দুৰ্ঘটনা সংঘটিত হয়।কলিয়াবৰৰ বৰঘূলিত সংঘটিত হয় এই ভয়ংকৰ নাও দুৰ্ঘটনা । বৰঘূলীত জিঅ' বেগৰ কাম কৰিবৰ বাবে আহিছিল বোকাখাতৰ ৬ জনকৈ বনুৱা । নাওত জিঅ' বেগ ভৰাই লৈ অহাৰ পথতে ব্ৰহ্মপুত্ৰৰ বুকুত মেচিন নাওখন ওলটি খোৱাৰ ফলতেই সংঘটিত হয় এই ভয়ংকৰ নাও দুৰ্ঘটনাতো ।

নাওত অহা ৫ জন বনুৱাই সাঁঁতুৰি গৈ নিজৰ প্ৰাণ ৰক্ষা কৰিবলৈ সক্ষম হয় যদিও এজনৰ পানীত ডুবাৰ ফলতেই মৃত্যু হয় । ঘটনাস্থলীত নদী আৰু আৰু এছডিআৰএফৰ দল উপস্থিত হৈ অভিযান আৰম্ভ কৰে ।

পানীত পৰি সন্ধানহীন হোৱা যুৱকজনৰ নাম কৃষ্ণ কুটুম বুলি জানিব পৰা গৈছে । কেইবাঘন্টা জোৰা অভিযানৰ অন্তত অৱশেষত উদ্ধাৰ হয় কুটুমৰ মৃতদেহ।