নগাঁৱৰ ২খন গাঁৱক কণ্টেইনমেণ্ট জ'ন ঘোষণা

#নগাঁৱৰ পৰা ঋতু পৰ্ণ শৰ্মা:

নগাওঁ জিলা প্ৰশাসনে শুকুৰবাৰে জিলাখনৰ দুখন গাঁওক কন্টেইনমেণ্ট জ'ন হিচাপে ঘোষণা কৰিছে।এই কন্টেইনমেন্ট জ’নৰ গাঁঁও দুখন হ'ল ৰহা ৰাজহ চক্ৰৰ অন্তৰ্গত পহুপুৰি খাইটি গাঁও আৰু দীঘলদৰী গাঁও।

উল্লেখযোগ্য যে উক্ত গাঁওখনৰ ৫ জন ব্যক্তি বহিঃৰাজ্যৰ পৰা উভতি অহাৰ পিছত স্বাস্থ্য বিভাগৰ সহযোগত ক'ভিড পৰীক্ষা কৰা হয়। লগতে,বিগত দুটা দিনত এই ব্যক্তিকেইজনৰ সংস্পৰ্শলৈ অহা গাঁওখনৰ ব্যক্তিক ক'ভিড পৰীক্ষা কৰা হয়।

অঞ্চলটোৰ সৰহসংখ্যক ব্যক্তিক ক'ভিড পৰীক্ষাৰ অন্তত ২৪ এপ্ৰিল পৰ্যন্ত মুঠ ২৬ গৰাকী ব্যক্তিৰ দেহত ক'ভিড ১৯ ৰ উপস্থিতি ধৰা পৰে।সেয়েহে, উক্ত অঞ্চলত যাতে ক'ভিড ১৯ ৰ বীজাণু সংক্ৰমিত হ'বলৈ নোৱাৰে তাৰ প্ৰতি  লক্ষ্য ৰাখি নগাঁও জিলাৰ উপায়ুক্তই ১৫ টা পৰিয়ালৰ ২৬ জন ব্যক্তিৰ ঘৰসমূহ কনটেইনমেণ্ট হ'ম হিচাপে এক নিৰ্দেশ জাৰি কৰে।উক্ত সময়ছোৱাত ঘৰখনৰ কোনো ব্যক্তি বা সমাজৰ আন ব্যক্তি কনটেইনমেণ্ট হ'মলৈ অহা-যোৱা কৰিবলৈ নোৱাৰিব।