বকোত ক'ৰ'নাত আক্ৰান্ত হৈ মহিলাৰ মৃত্যু

#বকোৰ পৰা বিষ্ণু ৰাম দাস,২০ এপ্ৰিল:

ক'ৰ'না ভাইৰাছৰ দ্বিতীয় ঢৌৱে দেশ তথা ৰাজ্যবাসীক বৰুকৈয়ে আতংকিত কৰি পেলোৱা সময়তে আজি কামৰূপ জিলাৰ বকোত ক'ৰ'নাত আক্ৰান্ত হৈ এগৰাকী মহিলাৰ মৃত্যু হোৱাৰ বাতৰি পোহৰলৈ আহিছে । ক'ৰ'নাত মৃত্যু হোৱা  মহিলা গৰাকী বকো সমষ্টিৰ তাৰাবাৰী গাঁৱৰ নিবাসী নিদয়া সূত্ৰধৰ (৪৫) বুলি জানিব পৰা গৈছে ।

উল্লেখ্য, যোৱা কেইদিনমান ধৰি মহিলাগৰাকী শাৰীৰিক অসুস্থতাত ভুগি থকাত কালি নিজ ঘৰতে মহিলাগৰাকীয়ে  ক'ৰ'না পৰীক্ষা কৰাত মহিলাগৰাকীৰ ক'ৰ'না পজিটিভ ধৰা পৰিছিল।পিচে হোম কোৱাৰেণ্টনত থকা অৱস্থাতে আজি উশাহত কষ্ট পোৱাত মহিলাগৰাকীক বকো স্বাস্থ্য কেন্দ্ৰলৈ নিয়াৰ পথতে মৃত্যু ঘটে ।