নলবাৰীত আছুকৰ্মীৰ ওপৰত দুৰ্বৃত্তই কৰা আক্ৰমণৰ বিৰুদ্ধে বিক্ষোভ           

#দ্বিজেন ডেকা,ঘগ্ৰাপাৰ:

নলবাৰীত আছুকৰ্মীৰ ওপৰত যোৱা ১৪মাৰ্চত দুৰ্বৃত্তই যি আক্ৰমণ চলাইছিল,তাৰ বিৰোধিতাৰে নলবাৰী জিলা ছাত্ৰ সন্থাই সোমবাৰে বিক্ষোভ কাৰ্যসূচী ৰূপায়ণ কৰে।                                     
১৪ মাৰ্চত নলবাৰীৰ চাৰিজন আছুকৰ্মীয়ে তামুলপুৰৰ পৰা নলবাৰী অভিমুখে আহি থকাত দুৰ্বৃত্তই জাজিয়াবাৰীত তেওঁঁলোকৰ ওপৰত আক্ৰমণ চলাইছিল।ফলত তিনিজন আছুকৰ্মী আঘাতপ্ৰাপ্ত হয়।গুৰুতৰভাৱে আঘাতপ্ৰাপ্ত হয় নলবাৰী আঞ্চলিক ছাত্ৰ সন্থাৰ সভাপতি ৰুবুল বৰ্মন।  

ইয়াৰ প্ৰতিবাদত নলবাৰী জিলা ছাত্ৰ সন্থাই সোমবাৰে বিক্ষোভ কাৰ্যসূচী ৰূপায়ণ কৰে।লগতে গৃহ বিভাগ আৰু প্ৰশাসনক আছুকৰ্মীৰ লগতে সাধাৰণ ৰাইজৰ নিৰাপত্তাৰ সুব্যৱস্থা কৰিবলৈ আহ্বান জনায়।লগতে দোষীৰ দৃষ্টান্তমূলক শাস্তিৰ দাবী জনায়।