ধাংগাৰগাঁৱত দিবা-নৈশ ভলীবল প্ৰতিযোগিতা

নুৰুল ইছলাম,চানডুবিঃ

কামৰূপ জিলাৰ পলাশবাৰী বিধানসভা সমষ্টিৰ ৰাভা হাছং এলেকাৰ অন্তৰ্গত ধাংগাৰগাঁৱত এখনি দিবা-নৈশ ভলীবল প্ৰতিযোগিতাৰ আয়োজন কৰা হৈছে।বৃহত্তৰ অনগ্ৰসৰ অঞ্চলটোৰ যুৱ প্ৰজন্মৰ মাজত ক্ৰীড়া প্ৰতিভা বিকাশৰ উদ্দেশ্যেৰে অগ্ৰণী ক্ৰীড়া অনুষ্ঠান 'নংবাগ ফুটবল একাডেমি'ৰ উদ্যোগত তথা কলাগুৰু বিষ্ণুৰাভা কৃষ্টি সংঘ ধাংগাৰগাঁৱৰ সহযোগত দুদিনীয়া কাৰ্যসূচীৰে উক্ত প্ৰতিযোগিতাখনি অনুষ্ঠিত হৈছে।ধাংগাৰগাঁও খেলপথাৰত অনুষ্ঠিত প্ৰতিযোগিতাখনৰ ১৫ মাৰ্চত আনুষ্ঠানিকভাৱে শুভাৰম্ভ কৰে ৰাভা হাছং স্বায়ত্ত্বশাসিত পৰিষদৰ কুলশী পৰিষদীয় সমষ্টিৰ সাধাৰণ সদস্য দিলীপ কুমাৰ ৰাভাই৷

ইফালে,নংবাগ একাডেমিৰ অধ্যক্ষ সতীশ নংবাগ তথা অনুষ্ঠানটিৰ উপদেষ্টা অৰুণ দিয়াই অঞ্চলটোৰ যুৱ প্ৰজন্মৰ মাজত ক্ৰীড়াৰ প্ৰতি অনুৰাগ সৃষ্টি কৰাৰ উপৰি ইয়াৰ জৰিয়তে শাৰীৰিক মানসিক- বিকাশৰ হেতু উক্ত পদক্ষেপ গ্ৰহণ কৰা বুলি জানিবলৈ দিয়ে৷