নলবাৰী আঞ্চলিক ছাত্ৰ সন্থাৰ সভাপতি ৰুবুল বৰ্মনসহ তিনিজন আছু নেতাক আক্ৰমণ

#দ্বিজেন ডেকা,ঘগ্ৰাপাৰ,১৫ মার্চ:

সমাগত বিধানসভাৰ নিৰ্বাচনৰ প্ৰাকক্ষণত নলবাৰীত আছু নেতাক আক্ৰমণক লৈ জিলাখনত সৃষ্টি হৈছে ব্যাপক প্ৰতিক্ৰিয়াৰ৷যোৱা নিশা জিলাখনৰ জাজিয়াবাৰীত নলবাৰী আঞ্চলিক ছাত্ৰ সন্থাৰ সভাপতি ৰুবুল বৰ্মন,সম্পাদক নৱ ডেকা আৰু বিশ্ব ভৰালীক আক্ৰমণ কৰে৷আক্ৰমণকাৰীক ইতিমধ্যে চিনাক্ত কৰিছে নলবাৰী আৰক্ষীয়ে৷  আক্ৰমনকাৰী টেম্পো চালক জ্যোতিষ দাস বুলি চিনাক্ত কৰা হৈছে যোৱা নিশা পথত আগভেটি ধৰি টেম্পো চালকজনে লোৰ ৰ'ডেৰে আক্ৰমণ কৰে ছাত্ৰ নেতাসকলক।

নলবাৰী আঞ্চলিক ছাত্ৰ সন্থাৰ সভাপতি ৰুবুলৰ মূৰত অধিক ৰক্তক্ষৰণ হোৱাত নিশাই তিনিওজনকে নলবাৰী অসামৰিক চিকিৎসালয়ত ভৰ্ত্তি কৰোৱা হয়৷কিন্ত টেম্পো চালকগৰাকীয়ে কিহৰ বাবে আছু নেতাকেইগৰাকীক এনেদৰে আক্ৰমণ কৰে,সেয়া ৰহস্যজনক৷ 

--