ঘগ্ৰাপাৰত বিজেপিৰ সাংগঠনিক সভা সম্পন্ন

*নলবাৰী সমষ্টিৰ মিত্ৰজোঁটৰ প্ৰাৰ্থী জয়ন্ত মল্ল বৰুৱাক জয়ী কৰাৰ পণ*

#দ্বিজেন ডেকা,ঘগ্ৰাপাৰ:

ভাৰতীয় জনতা পাৰ্টীৰ নলবাৰী জিলা বিজেপিৰ অন্তৰ্গত বড়িগোগ বনভাগ মণ্ডল কাৰ্যলয়ত মণ্ডল সভাপতি ডিম্বেশ্বৰ বেজবৰুৱাৰ সভাপতিত্ব ১২ মাৰ্চৰ সন্ধিয়া আগন্তুক বিধানসভা নিৰ্বাচনকেন্দ্ৰিক এখন সাংগঠনিক সভা অনুষ্ঠিত হৈ যায়। বড়িগোগ বনভাগ মন্ডল বিজেপিৰ সাধাৰণ সম্পাদক বিজয় বৰ্মণে আঁত ধৰা সভাখনত উপস্থিত থাকে শক্তিকেন্দ্ৰৰ আহ্বায়ক,শক্তিকেন্দ্ৰৰ সহ-আহ্বায়ক বুথ প্ৰভাৰী,পঞ্চায়তৰ নিৰ্বাচিত সভাপতি,কাউন্সিলৰ,ঘগ্ৰাপাৰ জিলা পৰিষদৰ সদস্য পঙ্কজ ডেকাৰ লগতে মণ্ডলৰ বিষয়ববীয়া।সভাত বড়িগোগ বনভাগ মণ্ডল বিজেপিৰ সভাপতি ডিম্বেশ্বৰ বেজবৰুৱাই ভাষণত কয় যে সমাগত বিধানসভা নিৰ্বাচনত ঐক্যবদ্ধভাৱে সকলোৱে কাম কৰিব লাগিব আৰু বিৰোধীক নিৰ্মূল কৰাৰ সংকল্প লাগিব।যাতে নলবাৰী সমষ্টিত মিত্ৰজোঁটৰ প্ৰাৰ্থী জয়ন্ত মল্ল বৰুৱাই ১ লাখ ২০ হাজাৰ ভোটত জয়ী কৰাবলৈ সক্ষম হওঁ।সভাত ঘগ্ৰাপাৰ জিলা পৰিষদৰ সদস্য পংকজ ডেকাই ভাষণত সকলো কাৰ্যকৰ্তাকে দায়িত্বশীলভাৱে সাংগঠনিক কাম-কাজত লাগি মিত্ৰজোঁটৰ প্ৰাৰ্থী বৰুৱাক জয় হোৱাত সহযোগ কৰিবলৈ আহ্বান জনায়।