নলবাৰী সমষ্টিত বিজেপিৰ টিকট জয়ন্ত মল্ল বৰুৱাক প্ৰদানক লৈ উৎফুল্লিত সমৰ্থক

#দ্বিজেন ডেকা,ঘগ্ৰাপাৰ:

৫ মার্চত ভাৰতীয় জনতা পাৰ্টীৰ টিকট ঘোষণা হোৱাৰ পিছত নলবাৰী জিলাৰ বাঁহজানীৰ জয়ন্ত মল্ল বৰুৱাৰ গৃহত আনন্দ-উল্লাসৰ সৃষ্টি হয়।নলবাৰী সমষ্টিত জয়ন্ত মল্ল বৰুৱাই টিকট লাভ কৰাৰ পিছত আবিৰৰ ৰঙত মতলীয়া হৈ পৰে সমৰ্থকসকল।উল্লেখ্য যে নিজ গৃহত উপস্থিত হোৱাৰ পিছত সমৰ্থকসকলে উৎসৱমুখৰ পৰিৱেশৰ সৃষ্টি কৰে।ইফালে, নলবাৰী চহৰৰ মাজমজিয়াত জয়ন্ত মল্ল বৰুৱাৰ সমৰ্থনত ৰেলী উলিওৱা হয়।

টিকট লাভ কৰাৰ পিছত জয়ন্ত মল্ল বৰুৱাই সংবাদ মাধ্যমৰ আগত প্ৰতিক্ৰিয়া প্ৰকাশ কৰি দলৰ নেতৃত্বক ধন্যবাদ জনোৱাৰ লগতে কয় যে দলত সুন্দৰভাৱে কাম কৰাৰ বাবে সুযোগ প্ৰদান কৰিছে।নলবাৰী সমষ্টিত কিমান ভোটত জয়ী হ'ব,তাৰ প্ৰতিদ্বন্দিতা হ'ব বুলি তেওঁ মন্তব্য কৰে।উল্লেখযোগ্য যে নলবাৰী সমষ্টিত বিজেপিৰ বিধায়ক অশোক শৰ্মাৰ স্থানত জয়ন্ত মল্ল বৰুৱাক টিকট প্ৰদান কৰা হৈছে।