হাজোৰ কলিতাকুছি গাওঁ পঞ্চায়তৰ বৰ্ষপূৰ্তি অনুষ্ঠান সম্পন্ন 

বিশেষ প্ৰতিবেদক,হাজো:

হাজো খণ্ড উন্নয়ন বিষয়াৰ অধীনষ্ঠ কলিতাকুছি গাওঁ পঞ্চায়তৰ বৰ্ষপূৰ্তি অনুষ্ঠানটো ১২ ফেব্ৰুৱাৰীত দিনজোৰা কাৰ্য্যসূচীৰে অনুষ্ঠিত হয়।তদুপলক্ষে বিয়লিৰ ভাগত পঞ্চায়ত সভানেত্ৰী জুনু বেগমৰ পৌৰোহিত্যত অনুষ্ঠিত ৰাজহুৱা সভাত মুখ্য অতিথি হিচাপে উপস্থিত থাকি হাজো সমাজ কল্যাণ বিভাগৰ প্ৰকল্প বিষয়া ডঃ অহেদুল ইছলামে পঞ্চায়তখনৰ এনে পদক্ষেপৰ শলাগ লয়।নৱাগত অভিনেত্ৰী চেমিম আহমেদ ছিদ্দিকীয়ে আঁঁত ধৰা সভাত প্ৰকল্প বিষয়া ডঃ ইছলামে পুনৰ কয়,সমাজ কল্যাণ বিভাগৰ কৰ্মী-সহায়িকা আৰু চুপাৰভাইজাৰসকলে যিহেতু সমাজৰ উন্নয়নৰ কামতে জড়িত হৈ সেৱা আগবঢ়াই আছে,তেনে ক্ষেত্ৰত পঞ্চায়তৰ  এনে অনুষ্ঠানত সমাজ কল্যাণ বিভাগৰ সহযোগিতা বিচাৰিলে অদূৰ ভৱিষ্যতে সহযোগিতাৰ আশ্বাস প্ৰদান কৰে। ইয়াৰ পিছতে সাংস্কৃতিক অনুষ্ঠানৰ শুভ উদ্বোধন কৰে বিশিষ্ট সমাজ সেৱক মনচুব আলীয়ে। এই অনুষ্ঠানত ৰাজ্যৰ জনপ্ৰিয় কণ্ঠশিল্পী বাবু বৰুৱাই গীত পৰিৱেশন কৰে। ইয়াৰ পূৰ্বে পুৱা সমূহীয়া চাফাই অভিযান,গছ পুলি ৰোপনৰ অন্তত মহামানৱ মহাত্মা গান্ধীৰ প্ৰতিচ্ছবিত মাল্যাৰ্পণ কৰে জিলা পৰিষদ সদস্য ৰুবুল আলীয়ে আৰু চতুৰ্দশ বিত্তীয় আয়োগৰ অধীনত আঁঁচনিৰ শুভাৰম্ভ কৰে পঞ্চায়ত সভানেত্ৰী জুনু বেগমে।