ঘগ্ৰাপাৰ হাইস্কুলত আন্তঃশ্ৰেণী ক্ৰিকেট প্ৰতিযোগিতা আৰম্ভ

দ্বিজেন ডেকা,ঘগ্ৰাপাৰ:

নলবাৰী জিলাৰ ঐতিহ্যমণ্ডিত ঘগ্ৰাপাৰ হাইস্কুলত ৪ ফেব্ৰুৱাৰীৰ পৰা আন্তঃশ্ৰেণী ক্ৰিকেট প্ৰতিযোগিতাখন চাৰিদিনীয়াকৈ অনুষ্ঠিত হৈছে।ঘগ্ৰাপাৰস্থিত ৰাজীৱ গান্ধী ক্ৰীড়া প্ৰকল্পত আৰম্ভণি হোৱা ক্ৰিকেট প্ৰতিযোগিতাখনি আনুষ্ঠানিকভাৱে মুকলি কৰে ঘগ্ৰাপাৰ হাইস্কুলৰ ভাৰপ্ৰাপ্ত প্ৰধান শিক্ষক নাথুৰাম তালুকদাৰে।প্ৰধান শিক্ষক তালুকদাৰে ভাষণত ছাত্ৰ-ছাত্ৰীসকলৰ পঢ়া-শুনাৰ সমান্তৰালভাৱে খেলা-ধুলাৰ জৰিয়তে ক্ৰীড়াৰ ক্ষেত্ৰত লুকাই থকা সুপ্ত প্ৰতিভাৰ বিকশিত কৰাৰ উদ্দেশ্যৰে এই প্ৰতিযোগিতাখন আয়োজন কৰা বুলি দোহাৰে।

প্ৰতিযোগিতাখনিৰ উদ্বোধনী অনুষ্ঠানত বিদ্যালয়খনৰ শিক্ষক-কৰ্মচাৰী,ছাত্ৰ-ছাত্ৰী উপস্থিত থকাৰ লগতে সহ:শিক্ষক গিৰীশ তালুকদাৰ, নৰেন মজুমদাৰ,হেমন্ত বৈশ‍্য,শ্বাহজান আলী,জ‍্যেতিষ ডেকা আদিয়ে অংশগ্ৰহণ কৰে।