হাজোত সন্দেহজনক ইৰাণী গ্ৰুপৰ দুধৰ্ষ সদস্যক আটক

বিশেষ প্ৰতিবেদক,হাজো:

ৰাজ্যত অব্যাহত আছে ইৰাণী গ্ৰুপৰ সন্ত্ৰাস।তেনে সময়তে ২ ফেব্ৰুৱাৰীত হাজো আৰক্ষীৰ জালত পৰিছে বাবাৰূপী চাৰিজনীয়া সন্দেহজনক ইৰাণী গ্ৰুপৰ সদস্য। হাজো আৰক্ষীৰ জালত পৰা বহি:ৰাজ্য হাৰিয়ানাৰ সন্দেহজনক ইৰাণী গ্ৰুপৰ সদস্যকেইজন হ'ল ক্ৰমে সন্দীপ সিং(৩৫),সঞ্জীৱ কুমাৰ(৩৭),ৰমেশ কুমাৰ(৩০)আৰু মহানন্দ দলৈত গুৰি (৪৫)। জানিব পৰা মতে দিনৰ প্ৰায় ১১বজাত  হাজোৰ দমদমাৰ স্থানীয় এজন যুৱকে দমদমাৰ এটা এটিএমত টকা উলয়াবলৈ গৈছিল । যুৱকজনে দুৱাৰকৈ চেষ্টা কৰিও এটিএমৰ পৰা টকা উলিয়াব নোৱাৰাত ওচৰতে ৰৈ থকা অচিনাকি যুৱক এজনে টকা উলিয়াই দিম বুলি এটিএম কাৰ্ডখন লয় ।পিছত অতি কৌশলেৰে এটিএম কাৰ্ডৰ সালসলনি কৰি এটিএমত টকা নাই বুলি বেলেগ এখন কাৰ্ড দি যুৱকজনে পলায়ন কৰে।কিছু সময় পিছত যুৱকজনে কাৰ্ডখন চোৱাত তেওঁৰ নামৰ সলনি বেলেগ নামৰ ব্যক্তি এজনৰ কাৰ্ড বুলি জানিব পাৰি চোৰ চোৰ বুলি চিঞৰিবলৈ ধৰে।

লগে লগে এই ঘটনা বনজুইৰ দৰে চাৰিওফালে বিয়পি পৰাত ঘটনাস্থলীলৈ দৌৰি আহে বহু লোক।পিছত স্থানীয় লোকে হাজো আৰক্ষীৰ সহযোগত  খেদি খেদি হাজোৰ বৰম্বৈ পাহাৰত এজন বাবাৰূপী লোকসহ চাৰিজনকৈ সন্দেহজনক ইৰাণী গ্ৰুপৰ সদস্যক এইছ আৰ ৩১-জে ৫১৫১ নম্বৰৰ এখন বিলাসী গাড়ীসহ আটক কৰিবলৈ সক্ষম হয়।আৰক্ষীয়ে লোককেইজনৰ পৰা এখন চোকা অস্ত্ৰৰ লগতে কেইবাখনো আপত্তিজনক নথি -পত্ৰ উদ্ধাৰ কৰা বুলি জানিব পৰা গৈছে। উল্লেখ্য যে আৰক্ষীয়ে আটক কৰা আটাইকেইজন লোক ইৰাণী গ্ৰুপৰ সৈতে জড়িত থকাৰ সন্দেহ কৰিছে হাজো আৰক্ষীয়ে ।আৰক্ষীয়ে আটাইকেইজনকে অধিক তথ্যৰ বাবে সোধপোচ অব্যাহত ৰাখিছে।