নলবাৰীত সাংবাদিকক আক্ৰমণ ড্ৰাগছ ব্যৱসায়ীৰ 

*আক্ৰমণকাৰী দুৰ্বৃত্তক গ্ৰেপ্তাৰৰ দাবী দল-সংগঠনৰ*

#দ্বিজেন ডেকা,ঘগ্ৰাপাৰ:

নলবাৰী জিলাৰ চামতাত সাংবাদিকক প্ৰাণে মৰাৰ চেষ্টা দুুৰ্বৃত্তৰ৷শনিবাৰে দুপৰীয়া চামতা বাছ আস্থানৰ সমীপত ড্ৰাগছ ব্যৱসায়ীয়ে আক্ৰমণ কৰে 'আমাৰ অসম' কাকতৰ চামতাৰ সাংবাদিক অনিমেশ বর্মনক।গুৰুতৰভাৱে আহত সাংবাদিক অনিমেশ বৰ্মনক নলবাৰীৰ শ্বহীদ মুকুন্দ কাকতি অসামৰিক চিকিৎসালয়ত  অক্সিজেন দি ৰখা হৈছে।উল্লেখযোগ্য যে ড্ৰাগছ মফিয়াৰ বিৰুদ্ধে বাতৰি পৰিৱেশন কৰাক লৈ এই আক্ৰমণৰ ঘটনা সংঘটিত হৈছে।শনিবাৰে চামতাৰ দুটা ড্ৰাগছ সৰবৰাহকাৰীৰ বিৰুদ্ধে বাতৰি পৰিৱেশন কৰিছিল সাংবাদিক বৰ্মনে৷এই আক্ৰমণৰ ঘটনাটোক লৈ চামতাত তীব্র            প্ৰতিক্ৰিয়াৰ সৃষ্টি হৈছে।আক্ৰমণকাৰী হিমাংশু বৰ্মন আৰু ফইজুল আলীক গ্ৰেপ্তাৰৰ দাবী জনাইছে নলবাৰী এজেৱাইচিপি,নলবাৰী জিলা সাংবাদিক সন্থা আৰু বিভিন্ন সংগঠনে।