নগাঁৱত বিভিন্ন দাবীৰ সমৰ্থনত কংগ্ৰেছৰ সংখ্যালঘু বিভাগৰ প্ৰতিবাদ

নগাঁৱৰ পৰা ৱাহিদুদ জামান:

নগাঁও জিলা কংগ্ৰেছৰ  সংখ্যালঘু বিভাগে        শুকুুুৰবাৰে নগাঁও ৰাজীৱ ভৱনত অৱস্থান ধৰ্মঘট কাৰ্যসূচী ৰূপায়ন কৰে।অসম আৰক্ষীৰ 'এছআই' নিযুক্তি প্ৰক্ৰিয়াত খেলিমেলি, অসম চৰকাৰৰ সংখ্যালঘু ছাত্ৰ বৃত্তিৰ ৫০০ কোটিৰ বৃহৎ কেলেংকাৰীৰ তদন্ত কৰা, কংগ্রেছ নেতা ৰাহুল গান্ধীক উত্তৰ প্ৰদেশৰ আৰক্ষীয়ে কৰা শাৰীৰিক অত্যাচাৰকে ধৰি কেইবাটাও ঘটনাৰ প্ৰতিবাদত নগাঁও জিলা কংগ্ৰেছৰ সংখ্যালঘু বিভাগে হাতে হাতে প্লে'কাৰ্ড লৈ অৱস্থান ধৰ্মঘট কাৰ্যসূচীত অংশগ্ৰহণ কৰে। সংখ্যালঘু বিভাগৰ নগাঁও জিলা সমিতিৰ সভাপতি চৈয়দুৰ ৰহমান,ৰাজ্যিক কমিটীৰ সম্পাদক শ্বৱনম চুলতানা,কংগ্রেছ কৰ্মী প্রিয়ংকা বৰা,ফকৰ উদ্দিন আহমেদ,ৰৌজ উদ্দিন আহমেদ আদিকে ধৰি বহুকেইগৰাকী নেতা-কৰ্মী উপস্থিত থাকে।