বালিসত্ৰ সাহিত্য সভাৰ বাৰ্ষিক অধিৱেশন সম্পন্ন,নতুন কাৰ্যনিৰ্বাহক সমিতি গঠন

নৰেন শৰ্মা,বাহাৰঘাট:

দেওবাৰে শংকৰদেৱ শিশু নিকেতন লাছি-বালিসত্র প্রাঙ্গনত বালিসত্র আঞ্চলিক সাহিত্য সভাৰ অধিৱেশনখন অনুষ্ঠিত হয়।বিপিন চন্দ্ৰ গোস্বামীৰ সভাপতিত্বত অনুষ্ঠিত সভাখনত সম্পাদক হিৰেন্দ্ৰ নাথ কলিতাই সভাৰ উদ্দেশ্য কৰাৰ পিছত পীতাম্বৰ আদৰ্শ উচ্চতৰ মাধ্যমিক বিদ্যালয়ৰ অৱসৰপ্রাপ্ত অধ্যক্ষ প্ৰবীন চন্দ্ৰ দাসে বালিসত্র আঞ্চলিক সাহিত্য সভাৰ উন্নয়ন সম্পৰ্কে বক্তব্য প্ৰদান কৰাৰ লগতে চুটিগল্প সন্দৰ্ভত বহল বাখ্যা দাঙি ধৰে।তদুপৰি,বালিসত্র আঞ্চলিক সাহিত্য সভাৰ প্ৰাক্তন সম্পাদক তপন চন্দ্ৰ কোঁৱৰ,চক্রেশ্বৰ কুমাৰ,পশ্চিম বড়িগোগ গাঁও পঞ্চায়ত সমবায় সমিতি লিমিটেডৰ উপ-সভাপতি অৰৱিন্দ কুমাৰ,শংকৰদেৱ শিশু নিকেতনৰ প্রধানাচার্য্য বসন্ত কুমাৰ শৰ্মা আদিয়ে বক্তব্য আগবঢ়ায়। সভাত ইব্রাহীম আলীক সভাপতি, চন্দন কুমাৰ দাসক উপ-সভাপতি আৰু সুশীল চন্দ্ৰ ডেকাক সম্পাদক হিচাপে লৈ বালিসত্র আঞ্চলিক সাহিত্য সভাৰ নতুন কাৰ্যনিৰ্বাহক সমিতি গঠন কৰা হয়।