নামৰূপ সাৰ কাৰখানাৰ মেৰামতিৰ বাবে ১০০ কোটি টকা মুকলি কৰি দিয়াৰ আশ্বাস

*ডঃ হিমন্ত বিশ্ব শৰ্মাক ধন্যবাদ জ্ঞাপন নামৰূপ গ্ৰাম্য উন্নয়ন সংঘৰ*

#নামৰূপৰ পৰা সমীৰন বৰুৱা:

দীৰ্ঘদিনৰ অপেক্ষাৰ অন্তত নামৰূপবাসীলৈ আহিল সুখবৰ। দুদিন পূৰ্বে অসমৰ শিক্ষা,স্বাস্থ্য তথা বিত্তমন্ত্ৰী ড: হিমন্ত বিশ্ব শৰ্মাই কেন্দ্ৰীয় চৰকাৰৰ সংশ্লিষ্ট বিভাগৰ লগত পুনৰ আলোচনা কৰি ১৯৬২ চনতেই নিৰ্মিত নামৰূপ সাৰ কাৰখানাৰ উপযুক্ত মেৰামতিৰ বাবে ১০০কোটি টকা মোকলাই দিয়াৰ তথ্য সদৰি কৰে। আনহাতে,শীঘ্ৰে চতুৰ্থটো গোট নিৰ্মাণৰ বাবেও উপযুক্ত পদক্ষেপ গ্ৰহণ কৰাৰ বিষয়ে উল্লেখ কৰে।ইয়াৰ বাবে,নামৰূপৰ  একাংশ নাগৰিকৰ লগতে তথা ১১খন গাঁৱক লৈ গঠিত নামৰূপ গ্ৰাম্য উন্নয়ন সংঘৰ হৈ উপদেষ্টা গোপাল সোণোৱাল, সভাপতি কেশৱ সোণোৱাল আৰু সম্পাদক নিতু নাহৰ ডেকাই ড: হিমন্ত বিশ্ব শৰ্মাক ধন্যবাদ জ্ঞাপন কৰিছে।