বৰাজোলত সদৌ অসম ছাত্ৰ সন্থাৰ শাখা গঠন 

দ্বিজেন ডেকা,ঘগ্ৰাপাৰ:

সদৌ নলবাৰী জিলা ছাত্র সন্থাৰ অন্তৰ্গত বৰাজোল আঞ্চলিক ছাত্র সন্থাৰ অন্তৰ্গত ২নং বৰাজোল শাখা ছাত্ৰ সন্থাৰ নতুন সমিতিখন বৃহস্পতিবাৰে গঠন কৰা হয়।বৰাজোল আঞ্চলিক ছাত্র সন্থাৰ সভাপতি আজিজুল ইছলামৰ সভাপতিত্বত অনুষ্ঠিত কাৰ্যনিৰ্বাহক সভাৰ উদ্দেশ্য ব্যাখ্যা কৰে বৰাজোল আঞ্চলিক ছাত্র সন্থাৰ সাধাৰণ সম্পাদক জীৱনজ্যোতি ডেকাই।সভাত সদৌ নলবাৰী জিলা ছাত্র সন্থাৰ উপ-সভাপতি কল্প ৰাজবংশী আৰু ক্ৰীড়া সম্পাদক কংকন কলিতা উপস্থিত থাকি সদৌ অসম ছাত্ৰ সন্থাৰ দৃষ্টিভংগী ব্যাখ্যা কৰে।

আল্লিয়া আঞ্চলিক ছাত্র সন্থাৰ সভাপতি অৰ্জুন দাস,বৰাজোল আঞ্চলিক ছাত্র সন্থাৰ ভাৰপ্ৰাপ্ত সভাপতি মৃগেন দাস,শিক্ষা সম্পাদক ধনমণি দাস উপস্থিত থকা উক্ত কাৰ্যনিৰ্বাহকতে ২নং বৰাজোল শাখা ছাত্ৰ সন্থাৰ সমিতিখন পুনৰ গঠন কৰা হয়।আনোৱাৰ হুছেইনক সভাপতি আৰু চাহাবুল আলীক সম্পাদক হিচাপে লৈ ২১ জনীয়া সমিতিখন গঠন কৰা হয়।