ঘগ্ৰাপাৰৰ বিলপাৰত পথ দুৰ্ঘটনাত ব‍্যৱসায়ী নিহত

দ্বিজেন ডেকা,ঘগ্ৰাপাৰ:

নলবাৰী জিলা ঘগ্ৰাপাৰ থানাৰ অন্তৰ্গত বিলপাৰ(আমৰ তল চ'কত )শনিবাৰে দুপৰীয়া ৩১ নম্বৰ ৰাষ্ট্ৰীয় ঘাইপথত সংঘটিত এটা পথ দুৰ্ঘটনাত এগৰাকী গেলামাল।দোকানীৰ মৃত্যু হয়।জানিব পৰা মতে ঘগ্ৰাপাৰ থানাৰ বিলপাৰ গাঁৱৰ গেলামালৰ দোকানী দিগন্ত চৌধুৰী(৩৫)য়ে দুপৰীয়া নিজৰ ঘৰৰ পৰা  As14 J 2386 নম্বৰৰ বাইকখনেৰে ৰঙিয়া অভিমুখে গৈ থাকোতে উক্ত স্থানতে তীব্ৰবেগী বাহন এখনে প্ৰচণ্ড খুন্দা মাৰে।বুুকু,মূৰ আৰু ভৰিত গুৰুতৰভাৱে আহত হোৱাত আৰক্ষীৰ সহাযোগত ৰাইজে ঘগ্ৰাপাৰ প্ৰাথমিক স্বাস্থ্য কেন্দ্ৰত ভৰ্তি কৰে।তেওঁৰ স্বাস্থ‍্যৰ অৱনতি ঘটাত নলবাৰী মুকুন্দ কাকতি অসামৰিক চিকিৎসালয়লৈ প্ৰেৰণ কৰে।কিন্তু,স্বাস্থ্যৰ উন্নতি নঘটাত গুৱাহাটীলৈ প্ৰেৰণ কৰে।গুৱাহাটীৰ এখন ব‍্যক্তিগত চিকিৎসালয়ত চৌধুৰীৰ মৃত্যু হয়।মৃত্যুৰ সময়ত তেওঁ পিতৃ -মাতৃ,পত্নীসহ এটি ৯ মহীয়া পুত্ৰ সন্তানক ইহসংসাৰত এৰি থৈ যায়। 

  .