ধুহি ছাত্ৰ সন্থাৰ কৃতী ছাত্ৰ-ছাত্ৰীক সম্বৰ্ধনা

নৰেন শৰ্মা,বাহাৰঘাট:

ৰঙিয়া আঞ্চলিক ছাত্ৰ সন্থাৰ অন্তৰ্গত ধুহি ছাত্ৰ সন্থাই সদ্য ঘোষিত হাইস্কুল শিক্ষান্ত পৰীক্ষাত উচ্চমানৰ ফলাফল দেখুৱাই উত্তীৰ্ণ হোৱা অঞ্চলটোৰ  প্ৰায় ২০ গৰাকী ছাত্ৰ-ছাত্ৰীক সম্বৰ্ধনা জনায়।উত্তীৰ্ণ ছাত্ৰ-ছাত্ৰীসকলৰ ভিতৰত ছবনম চাহিনে ডিষ্টিংচন,নেইনা কলিতাই ডিষ্টিংচন আৰু ববিতা বেগমে ষ্টাৰ মাৰ্কসহ প্ৰথম বিভাগত উত্তীৰ্ণ হৈ অঞ্চলটোলৈ সুনাম কঢ়িয়াই আনিবলৈ সক্ষম হৈছে।ৰঙিয়া আঞ্চলিক ছাত্ৰ সন্থাৰ শিক্ষা সম্পাদক ৰিজবুল আহমেদ,কাৰ্যনিৰ্বাহক গফফৰ আলি আহমেদ,ধুহি ছাত্ৰ সন্থাৰ উপদেষ্টা মোস্তক, ৰাহুল,মোত্তাকিন,সভাপতি মফিদুল ইছলাম আৰু সম্পাদক আমিনুল হকৰ নেতৃত্বত যোৱা এটি দলে অঞ্চলটোৰ কৃতী শিক্ষাৰ্থীসকলৰ ঘৰে ঘৰে গৈ ফুলাম গামোছা আৰু মানপত্ৰৰে সম্বৰ্ধনা জ্ঞাপন কৰে ।