নলবাৰী সমষ্টিৰ বিধায়ক অশোক শৰ্মাৰ পাগলদিয়া নৈৰ বিধ্বস্ত মথাউৰি পৰিদৰ্শন

দ্বিজেন ডেকা,ঘগ্ৰাপাৰ:

নলবাৰী সদৰ বিধানসভা সমষ্টিৰ বিধায়ক অশোক শৰ্মাই মঙলবাৰে পাগলদিয়া নৈৰ বিধ্বস্ত মথাউৰি পৰিদৰ্শন কৰে।বিধায়কগৰাকীয়ে বৰ মূৰিকোণাৰ পাগলদিয়া ‌নদীৰ পূব দিশলৈ বিধ্বস্ত ৰূপ ধাৰণ কৰা মথাউৰিটো নলবাৰীৰ জলসম্পদ বিভাগৰ কাৰ্যবাহী অভিযন্তা আৰু বিষয়াবৰ্গক লৈ পৰিদৰ্শন কৰে আৰু এই মথাউৰিৰ কাম অতি শীঘ্ৰে আৰম্ভ কৰিবলৈ বিভাগীয় বিষয়াবৰ্গক নিৰ্দেশ দিয়ে।উল্লেখ‍্য‍ যে এই মথাউৰিটোৰ বাবে প্ৰতিটো বাৰিষা পাগলাদিয়াই কালৰূপ ধাৰণ কৰি অঞ্চলটোৰ ৰাইজৰ নিদ্ৰা হৰণ কৰি আহিছে বুলি চৰ্চিত হৈছে।ইফালে,বিধায়কগৰাকীৰ পৰিদৰ্শনে বৃহত্তৰ অঞ্চলটোৰ নৈপৰীয়া ৰাইজৰ বাবে অলপ হ'লেও আশা কঢ়িয়াই আনিছে।