হাজোৰ সোৱানচাহত আহত হাড়গিলা উদ্ধাৰ 

কমলাকান্ত দাস,হাজো:

হাজো ৰাজহ চক্ৰৰ অন্তৰ্গত সোৱানচাহত বুধবাৰে পুৱা পাখি ভগা অৱস্থাত এটা বিলুপ্ত প্ৰায় হাড়গিলা দুগৰাকী সাংবাদিকৰ তৎপৰতাত উদ্ধাৰ কৰাৰ পিছত হাজো আঞ্চলিক বন বিভাগক চমজাই দিয়ে।জানিব পৰা মতে,প্ৰাপ্তবয়স্ক এটা হাড়গিলা পুৱা সোৱানচাহৰ এটা পৰিয়ালৰ বাৰীত পাখি ভগা অৱস্থাত প্ৰত্যক্ষ কৰি সাংবাদিকক খবৰ দিয়ে।খবৰ পোৱাৰ পিছতে দুজন সাংবাদিক সোৱানচাহত উপস্থিত হয় আৰু হাজো বন বিভাগক খবৰ দিয়ে।কিছু সময়ৰ পিছতে হাজো বন বিভাগৰ লোক উপস্থিত হৈ আহত হাড়গিলাটোক উদ্ধাৰ কৰি চিকিৎসাৰ বাবে লৈ যায়।পিছত বন বিভাগৰ লোকে আহত হাড়গিলাটোক উন্নত চিকিৎসাৰ বাবে চিৰিয়াখানালৈ নিয়া বুলি জানিব পৰা গৈছে।মঙলবাৰৰ ধুমুহাত গছৰ ডাল পৰি হাড়গিলাটোৰ পাখি ভঙা বুলি সন্দেহ প্ৰকাশ কৰিছে স্থানীয় লোকে।

(ফটো পঠিয়াইছো)