বৃহত্তৰ বঙাইগাঁও প্ৰেছ ক্লাবৰ সদস্যৰ মাজত সমাজসেৱিকা সৰোজ হাৰলালকাৰ মাস্ক আৰু ছেনিটাইজাৰ বিতৰণ

বঙাইগাঁৱৰ প্ৰতিবেদক:

ক'ৰ'না ভাইৰাছৰ সংক্ৰমণ প্ৰতিৰোধৰ বাবে দেশজুৰি চলি থকা 'লকডাউন'ৰ মাজতো ঘৰত আৱদ্ধ হৈ নাথাকি  নিজ দায়িত্ব আৰু কৰ্তব্য পালন কৰি যোৱা বঙাইগাঁৱৰ বৃহত্তৰ বঙাইগাঁও প্ৰেছ ক্লাবৰ সদস্যসকলৰ মাজত ১৮ এপ্ৰিলত সমাজসেৱিকা সৰোজ হাৰলালকাই মাস্ক আৰু ছেনিটাইজাৰ বিতৰণ কৰে সমাজসেৱিকাগৰাকীয়ে কয় যে এই সংকটময় পৰিস্থিতিৰ মাজতো সংবাদকৰ্মীসকলে চাৰিওফালে ঘূৰি বাতৰি সংগ্ৰহ কৰি ৰাইজক সকলো খবৰ যোগান ধৰি আহিছে।সেয়ে তেওঁলোকক বিশেষ সহায় কৰিব নোৱাৰিলেও বৰ্তমান সময়ত অতিকৈ দৰকাৰী হৈ পৰা মাস্ক আৰু ছেনিটাইজাৰ বিতৰণ কৰিছো। ইয়াৰ জৰিয়তে তেওঁলোকে কিছু সকাহ অনুভৱ কৰিব।ইফাল,সমাজসেৱিকাগৰাকীয়ে সংবাদ কৰ্মীসকলৰ প্ৰতি দেখুৱা এই বদান্যতাৰ বাবে প্ৰেছ ক্লাবে কৃতজ্ঞতা জনাইছে৷