বঙাইগাঁৱত অইল ইণ্ডিয়া লিমিটেডৰ দুগৰাকী কৰ্মচাৰীয়ে দৰিদ্ৰক বিতৰণ কৰিলে খাদ্য সামগ্রী 

বঙাইগাঁৱৰ প্ৰতিবেদক:

ক'ৰ'না ভাইৰাছ প্ৰতিৰোধৰ বাবে দেশত বলৱৎ হৈ থকা 'লকডাউন'ৰ সময়ত সমাজৰ অৰ্থনৈতিকভাৱে পিছপৰা পৰিয়ালসমূহে তেওঁলোকৰ পৰিয়াল চলোৱাত অসুবিধাৰ সন্মুখীন হ'বলগীয়া হোৱাৰ সময়তে বঙাইগাঁও চহৰৰ বিঅ'চি গেটস্থিত অইল ইন্ডিয়া লিমিটেডৰ ৬ নম্বৰ ষ্টেচনৰ দুগৰাকী কৰ্মচাৰীয়ে চহৰখনৰ গুৰুনানক নগৰৰ দিন  -মজুৰি কৰি পৰিয়াল চলোৱা লোকক অত্যাৱশ্যকীয় খাদ্য সামগ্রী বিতৰণ কৰে। অইল ইণ্ডিয়া লিমিটেডৰ ৬ নম্বৰ ষ্টেচনৰ কৰ্মচাৰীদ্বয় ক্ৰমে মইনুল হক (মুকুট) আৰু আব্দুৰ ৰহিমে সোমবাৰে বঙাইগাঁৱৰ গুৰুনানক নগৰৰ চল্লিশটা দুখীয়া পৰিয়ালক চাউল,ডাইল,নিমখ,সৰিয়হ,হালধি গুড়ি,মিঠাতেল,পিঁয়াজ,আলু,ছয়াবিন আদি বিতৰণ কৰে।অইল ইণ্ডিয়া লিমিটেডৰ ৬ নম্বৰ ষ্টেচনৰ কৰ্মচাৰীদ্বয়ৰ এনে প্ৰয়াসৰ ৰাইজে শলাগ লৈছে।